കൊല്ലം: വാഹനങ്ങള്‍ നേരില്‍ കണ്ടു പരിശോധന നടത്താതെ രജിസ്‌ട്രേഷന്‍ പുതുക്കിയ വനിതാ മോട്ടോര്‍ വെഹിക്കിള്‍ ഇന്‍സ്‌പെക്ടറെ സസ്പന്‍ഡ് ചെയ്തു. കൊല്ലം ആര്‍ ടി ഓഫീസിലെ അസിസ്റ്റന്റ് ഇന്‍സ്‌പെക്ടര്‍ എസ് മഞ്ജുവിനെതിരെയാണ് നടപടി.
ഗതാഗത കമ്മീഷണറാണ് നടപടി സ്വീകരിച്ചത്.മറ്റു ജില്ലകളില്‍ നിന്നുള്ള വാഹനം പോലും നേരില്‍ കണ്ടു പരിശോധന നടത്താതെ രജിസ്‌ട്രേഷന്‍ പുതുക്കി നല്‍കിയതായാണ് കണ്ടെത്തല്‍. മറ്റ് ആര്‍ ടി ഓഫീസുകള്‍ക്ക് കീഴിലുള്ള വാഹനങ്ങള്‍ കൊല്ലം ഓഫീസില്‍ പരിശോധിക്കണമെങ്കില്‍ ആര്‍ ടി ഒ അനുമതി നല്‍കണമെന്നാണ് വ്യവസ്ഥ. എന്നാല്‍ ഏജന്റുമാര്‍ എത്തിക്കുന്ന അപേക്ഷകളില്‍ ഇത്തരം മാനദണ്ഡങ്ങള്‍ മറികടന്ന് അസിസ്റ്റന്റ് ഇന്‍സ്‌പെക്ടര്‍ രജിസ്‌ട്രേഷന്‍ പുതുക്കി നല്‍കിയതായാണ് കണ്ടെത്തിയത്.
പിന്നില്‍ സാമ്പത്തിക ഇടപാടുകള്‍ അടക്കം നടന്നിട്ടുണ്ടോ എന്നത് ഉള്‍പ്പെടെ കാര്യങ്ങള്‍ വിശദമായി പരിശോധിക്കുമെന്നാണ് അറിയുന്നത്.
വാഹനങ്ങള്‍ നേരില്‍ പരിശോധിക്കാതെ 19 വാഹനങ്ങളുടെ രജിസ്‌ട്രേഷനാണ് പുതുക്കി നല്‍കിയത്.
