ന്യൂദല്ഹി: എന് ഇനിയ പൊന് നിലാവേ എന്ന പാട്ടിന്റെ വരികള്ക്കും അതിന്റെ റിക്കാര്ഡിങ്ങിനും മേല് ഇളയരാജയ്ക്ക് ഒരു പകര്പ്പവകാശവും ഇല്ലെന്ന് ദല്ഹി ഹൈക്കോടതി. സരിഗമ ഇന്ത്യാ ലിമിറ്റഡിനെതിരായ പകര്പ്പവകാശ കേസില് ഇളയരാജയുടെ ഹര്ജി തള്ളുമ്പോഴായിരുന്നു കോടതിയുടെ പരാര്മശങ്ങള്.
പകര്പ്പവകാശ നിയമപ്രകാരം സംഗീത ജോലിയെന്ന വാക്കില് വരികളും അതിന്റെ റിക്കാര്ഡിങ്ങും ഉള്പ്പെട്ടിട്ടില്ല. സംഗീതത്തിന്റെ ഘടകങ്ങള് മാത്രമാണ് അതിലുള്പ്പെട്ടിട്ടുള്ളത്. അതിനാല് എന് ഇനിയ പൊന് നിലാവേ എന്ന പാട്ടിന്റെ സംഗീത സംവിധായകന് എന്ന നിലയ്ക്ക് ഇളയരാജയ്ക്ക് പാട്ടിന്റെ പകര്പ്പവകാശം ഇല്ല. വരികളും റിക്കാര്ഡിങ്ങും വേറെയാണ്. സംഗീതം വേറെ. കോടതി പറഞ്ഞു.
