തിരുവനന്തപുരം: കേരള സംസ്ഥാന ഭാഗ്യക്കുറിയുടെ വിഷു ബമ്പര് ഭാഗ്യക്കുറി ടിക്കറ്റുകള്ക്ക് റിക്കാര്ഡ് വില്പന. 44 ലക്ഷത്തിലേറെ (44,61,670) ടിക്കറ്റുകളാണ് വിറ്റുതീര്ന്നത്. നാളെയാണ് നറുക്കെടുപ്പ്. പാലക്കാട് ജില്ലയിലാണ് ഏറ്റവും കൂടുതല് വില്പന; 11,55,210 എണ്ണം. ആകെ 45 ലക്ഷം ടിക്കറ്റുകളാണ് അച്ചടിച്ചത്. കഴിഞ്ഞ വര്ഷം 42,87,350 എണ്ണം വിഷു ബമ്പര് ടിക്കറ്റുകള് ആയിരുന്നു വിറ്റത്.
നാളെ ഉച്ചയ്ക്ക് രണ്ടിന് തിരുവനന്തപുരം ഗോര്ഖി ഭവനിലാണ് നറുക്കെടുപ്പ്. 12 കോടി രൂപയാണ് ഒന്നാം സമ്മാനം. ഒന്നാം സമ്മാനം നേടുന്ന അതേ അക്കം വരുന്ന മറ്റ് അഞ്ച് പരമ്പരകള്ക്ക് ഒരു ലക്ഷം രൂപയുടെ സമാശ്വാസ സമ്മാനവും ലഭിക്കും. രണ്ടാം സമ്മാനം ഒരു കോടി രൂപ വീതം ആറ് പരമ്പരകള്ക്ക് ലഭിക്കും. മൂന്നാം സമ്മാനം 10 ലക്ഷം രൂപ വീതം ആറ് പരമ്പരകള്ക്കും നാലാം സമ്മാനം അഞ്ച് ലക്ഷം രൂപ വിതം ആറ് പരമ്പരകള്ക്കും ലഭിക്കും. കൂടാതെ 5000, 2000, 1000, 500, 300 വീതം രൂപ സമ്മാനങ്ങളും ലഭിക്കുന്നു. വിആര് 109 നമ്പര് വിഷു ബമ്പര് ഭാഗ്യക്കുറി ടിക്കറ്റുകള് വിഎ, വിബി, വിസി, വിഡി, വിഇ, വിജി, എന്നിങ്ങനെ ആറ് പരമ്പരകളിലായാണ് ലഭ്യമാകുന്നത്. 300 രൂപയാണ് ഓരോ ടിക്കറ്റിന്റെയും വില.
