തിരുവനന്തപുരം: സമുദായ നേതാക്കളുടെ തിണ്ണ നിരങ്ങില്ലെന്ന് പറഞ്ഞ് ഊറ്റം കൊളളുന്ന മുഖ്യമന്ത്രി വി ഡി സതീശന്‍ മന്ത്രിമാരുടെ വകുപ്പ് നിശ്ചയിക്കാന്‍ മതസംഘടനകളുടെ കാലുപിടിക്കുന്ന അവസ്ഥായാണ് കാണുന്നത്. മന്ത്രിമാരെ നിശ്ചയിച്ചതില്‍ ലത്തീന്‍ സഭ അതൃപ്തി പ്രകടിപ്പിച്ചതിനെ തുടര്‍ന്ന് സത്യപ്രതിജഞയ്‌ക്ക് പിന്നാലെ മുഖ്യമന്ത്രി ബിഷപ്പ് ഹൗസിലെത്തി ആര്‍ച്ച് ബിഷപ്പ് തോമസ് നെറ്റോയുമായി കൂടിക്കാഴ്ച നടത്തിയിരുന്നു.
ഫിഷറീസ് വകുപ്പ് ലീഗ് ആവശ്യപ്പെടുമ്പോള്‍ അതിനെതിരെ രംഗത്തു വന്നിരിക്കുകയാണ് ലത്തീന്‍ സഭ.സി പി ജോണിനോ ഷിബുബേബി ജോണിനോ വകുപ്പ് നല്‍കണമെന്നാണ് ആവശ്യം.തുടര്‍ന്ന് സഭയെ അനുനയിപ്പിക്കാന്‍ ചൊവ്വാഴ്ച വൈകിട്ട് വെളളയമ്പലം ബിഷപ്പ് ഹൗസിലെത്തി മന്ത്രിമാരായ കെ മുരളീധരനും സി പി ജോണും ചര്‍ച്ച നടത്തിയെങ്കിലും ഫലമുണ്ടായില്ല.
മറ്റ് ചില വകുപ്പുകളെ ചൊല്ലിയും തര്‍ക്കമുണ്ട്. ഈ സാഹചര്യത്തില്‍ മന്ത്രിമാരുടെ വകുപ്പുകള്‍ പ്രഖ്യാപിക്കാനാകാതെ ബുദ്ധിമുട്ടുകയാണ് സര്‍ക്കാര്‍.
എന്‍ എസ് എസ് ജനറല്‍ സെക്രട്ടറി ജി സുകുമാരന്‍ നായരെയും എസ് എന്‍ ഡി പി യോഗം ജനറല്‍ സെക്രട്ടറി വെളളാപ്പളളി നടേശനെയും ഗൗനിക്കാതെ മേനി നടിക്കുന്ന വി ഡി സതീശന്‍ മുസ്ലീം ലീഗിനും ലത്തീന്‍ സഭയ്‌ക്കും മുന്നില്‍ പഞ്ചപുച്ഛമടക്കി നില്‍ക്കുന്ന കാഴ്ചയാണ് കാണുന്നത്.
