തിരുവനന്തപുരം : വി ഡി സതീശന് സത്യപ്രതിജ്ഞ ചെയ്തപ്പോള് ജാതിവാല് ഉപയോഗിച്ചതിന്
ഫേസ്ബുക്കിലൂടെ പരോക്ഷ വിമര്ശനം നടത്തിയതിന് പിന്നാലെ പിന്നാലെ വിശദീകരണവുമായി കോണ്ഗ്രസ് നേതാവ് ജിന്റോ ജോണ്. ഏതെങ്കിലും വ്യക്തിയെ ഉദ്ദേശിച്ച് നടത്തിയ പരാമര്ശം അല്ലെന്നും അനവസരത്തില് ജാതിവാലുകള് മുളയ്ക്കുന്നത് കോണ്ഗ്രസിന് നല്ലതല്ലെന്നും അദ്ദേഹം പറഞ്ഞു.ജാതിവാലുകള് കോണ്ഗ്രസിന് ബാധ്യത ആണ്.ഇന്നത്തെ തലമുറയില് വി ഡി സതീശന്റെ പേര് അങ്ങനെ വേറെ രീതിയില് ചിത്രീകരിക്കപ്പെട്ടുകൂടാ.
ഇരുപത് വര്ഷമായി പ്രചോദനം നല്കിയ നേതാക്കളില് നിന്ന് ഇത്തരം കാര്യങ്ങള് ഉണ്ടായാല് വിഷമം തോന്നും. ഇത്രയും കാലം ഇല്ലാത്തത് പുതുതായി വരുമ്പോഴാണ് പ്രശ്നം.ജാതിവരമ്പുകള്ക്കപ്പുറം അതിനെല്ലാം എതിരെ പോരാടുന്ന നെഹ്റുവിയന് ലെഫ്റ്റ് കോണ്ഗ്രസ് നേതാവാണ് വി ഡി സതീശന്. അദ്ദേഹത്തെ നാളെയും അങ്ങനെ തന്നെ കാണാനാണ് ആഗ്രഹം. സത്യപ്രതിജ്ഞയില് പറഞ്ഞത് അദ്ദേഹത്തിന്റെ വ്യക്തിപരമായ കാര്യമെന്നും ജിന്റോ പറഞ്ഞു.
വടശ്ശേരി ദാമോദര മേനോന് സതീശന് എന്ന സത്യപ്രതിജ്ഞയ്ക്കെതിരെയാണ് ഫേസ്ബുക്കിലൂടെ പരോക്ഷ വിമര്ശനവുമായി ജിന്റോ രംഗത്തെത്തിയത്. തേക്കുംകാട്ടില് ജോണ്, റോമന് കാത്തലിക് ജിന്റോ എന്നല്ല.ജിന്റോ ജോണ്. അത് മതി.അങ്ങനെ അറിയപ്പെട്ടാല് മതി.ജാതിവാലുകള് ചുമക്കാത്ത കോണ്ഗ്രസ് ആകുന്നതാണ് ഇന്ക്ലൂസീവ് എന്നുമാണ് ജിന്റോ ജോണ്ഫേസ്്ബുക്കില് കുറിച്ചത്. തന്റേത് ഒരല്പം ലെഫ്റ്റ് ആയൊരു കോണ്ഗ്രസ് ബോധ്യം.പോസ്റ്റിന് താഴെ നിരവധി പേരാണ് ജിന്റോയെ അനുകൂലിച്ചും പ്രതികൂലിച്ചും കമന്റിട്ടത്.
ജിന്റോ ജോണ് മുഖ്യമന്ത്രിയെ ട്രോളിയെന്നാണ് കൂടുതല് പേരും കമന്റ് ബോക്സുകളില് വന്ന് പറയുന്നത്.
