കോഴിക്കോട്: കേന്ദ്രസര്ക്കാര് വിരോധത്തിന്റെ പേരില് സംസ്ഥാനത്ത് നടപ്പാക്കാതിരുന്ന കേന്ദ്രാവിഷ്കൃത പദ്ധതികള് പുതിയ സര്ക്കാര് നടപ്പാക്കാന് തയാറാകണമെന്ന് കേന്ദ്രമന്ത്രി ജോര്ജ് കുര്യന് ആവശ്യപ്പെട്ടു. മുന് ഗോവ ഗവര്ണര് പി.എസ്. ശ്രീധരന് പിള്ളയുടെ മൂന്ന് പുസ്തകങ്ങളുടെ പ്രകാശനം നിര്വഹിക്കുകയായിരുന്നു അദ്ദേഹം.
ആയുഷ്മാന് യോജന, പിഎം ശ്രീ തുടങ്ങിയ പദ്ധതികള് സംസ്ഥാന സര്ക്കാര് നടപ്പാക്കിയില്ല. കേന്ദ്ര പദ്ധതികളില് നിന്ന് പുറംതിരിഞ്ഞ് നിന്ന സംസ്ഥാന സര്ക്കാരുകളെ കഴിഞ്ഞ തെരഞ്ഞെടുപ്പില് ജനങ്ങള് തിരസ്കരിക്കുകയായിരുന്നു. ബംഗാളിലും കേരളത്തിലുമടക്കം അതാണ് വ്യക്തമാക്കുന്നത്.
മിസോറാമിലെ വിശേഷങ്ങള്, പി.എസ്. ശ്രീധരന് പിള്ളയുടെ തെരഞ്ഞെടുത്ത ലേഖനങ്ങള്, കാലം കൈയൊപ്പ് ചാര്ത്തിയ ലേഖനങ്ങള് എന്നിവയാണ് ഇന്നലെ പ്രകാശനം ചെയ്തത്. വിജില് സംഘടിപ്പിച്ച ചടങ്ങില് മുതിര്ന്ന മാധ്യമപ്രവര്ത്തകന് എന്.പി. ചെക്കുട്ടി, കൊണാര്ക്ക് പബ്ലിഷര് ഉടമ കെ.പി.ആര്. നായര്, കൗണ്സിലര് ജിഷ ശബരീഷ് എന്നിവരാണ് പുസ്തകങ്ങള് കേന്ദ്രമന്ത്രിയില് നിന്ന് ഏറ്റുവാങ്ങിയത്.
കെ.പി. സുധീര അധ്യക്ഷയായി. മനുഷ്യാവകാശ കമ്മിഷന് ജുഡീഷ്യല് അംഗം കെ. ബൈജുനാഥ്, ഐഎന്ടിയുസി ഉപാധ്യക്ഷന് അഡ്വ. എം. രാജന്, ബാര് അസോസിയേഷന് മുന് പ്രസിഡന്റ് അഡ്വ. കെ.പി. ബഷീര്, ബിജെപി ജില്ലാ ജനറല് സെക്രട്ടറി ടി. വി. ഉണ്ണികൃഷ്ണന്, ജന്മഭൂമി ന്യൂസ് എഡിറ്റര് എം. ബാലകൃഷ്ണന്, വിജില് അധ്യക്ഷന് അഡ്വ. ജോസഫ് തോമസ് എന്നിവരും പ്രസംഗിച്ചു. പ്രൊഫ. ശ്രീശൈലം ഉണ്ണികൃഷ്ണന് ആമുഖ പ്രഭാഷണം നടത്തി. ബ്ല്യൂ ഇങ്ക് ബുക്സ് ഉടമ സി.പി. ചന്ദ്രന് സ്വാഗതവും ടിയെച്ച് വത്സരാജ് നന്ദിയും പറഞ്ഞു. ഗ്രന്ഥകര്ത്താവ് പി.എസ്. ശ്രീധരന് പിള്ള മറുമൊഴി നടത്തി.
