വയനാട് : പഴയ വൈത്തിരിയില് കെഎസ്ആര്ടിസി മിന്നല് ബസും ഓട്ടോറിക്ഷയും കൂട്ടിയിടിച്ച് ഒരു കുടുംബത്തിലെ മൂന്ന് പേര് മരിച്ചു. നമ്പിക്കൊല്ലി സ്വദേശി നാരായണന്, ഭാര്യ സിജി, മകന് അഭി (അമല്) എന്നിവരാണ് മരിച്ചത്.
തിങ്കളാഴ്ച രാവിലെയാണ് നാടിനെ നടുക്കിയ അപകടം.ഇടിയുടെ ആഘാതത്തില് ഓട്ടോറിക്ഷ പൂര്ണമായും തകര്ന്നു.
അപകടം നടന്ന ഉടനെ തന്നെ നാട്ടുകാരും പൊലീസും രക്ഷാപ്രവര്ത്തനം നടത്തി.എന്നാല് നാരായണന് സംഭവസ്ഥലത്ത് വച്ച് തന്നെ മരിച്ചു.ഗുരുതര പരിക്കുകളോടെ നാരായണന്റെ ഭാര്യ സിജിയെയും മകന് അഭിയെയും ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാന് കഴിഞ്ഞില്ല. അപകടത്തെത്തുടര്ന്ന് ദേശീയപാതയില് അല്പ്പസമയം ഗതാഗതം തടസപ്പെട്ടു.
