തിരുവനന്തപുരം: ലത്തീന് സഭയുടെ അതൃപ്തി മാറ്റാന് മുഖ്യമന്ത്രിയുടെ ബിഷപ്പ് ഹൗസ് സന്ദര്ശനം. സത്യപ്രതിജ്ഞ കഴിഞ്ഞ് വൈകിട്ടോടെ വി.ഡി.സതീശന്, വെള്ളയമ്പലം ബിഷപ്പ് ഹൗസിലെത്തി ആര്ച്ച് ബിഷപ്പ് തോമസ് നെറ്റോ അടക്കമുള്ളവരെ കണ്ടു.
മന്ത്രിസഭയില് സഭാ പ്രാതിനിധ്യത്തെ ചൊല്ലി കടുത്ത അതൃപ്തിയിലായിരുന്നു ലത്തീന് രൂപത. സത്യപ്രതിജ്ഞ ചടങ്ങും സഭ ബഹിഷ്കരിച്ചു. തുടര്ന്നായിരുന്നു മുഖ്യമന്ത്രിയുടെ സന്ദര്ശനം.
തീരപ്രദേശത്തെ വിഷയങ്ങളില് ശ്രദ്ധയോടെയുള്ള ഇടപെടല് മുഖ്യമന്ത്രി ഉറപ്പ് നല്കിയെന്നും സഭയുടെ അതൃപ്തി മാറിയെന്നും തിരുവനന്തപുരം രൂപത വികാരി ജനറല് ഫാ. യൂജിന് പെരേര പറഞ്ഞു.കോവളം എംഎല്എ എം.വിന്സെന്റിനെ ഫിഷറീസ് മന്ത്രിയാക്കണമെന്നാണ് സഭ നേരത്തെ ആവശ്യപ്പെട്ടത്.
