കൊൽക്കത്ത: ഇന്ത്യൻ ടെന്നീസ് ഇതിഹാസം ലിയാണ്ടർ പേസിന്റെ അമ്മ മുൻ ഇന്ത്യൻ ബാസ്കറ്റ്ബോൾ ടീം ക്യാപ്റ്റനും ഒളിമ്പ്യനുമായ ജെന്നിഫർ പേസ് അന്തരിച്ചു. അർബുദരോഗത്തെ തുടർന്ന് ചികിത്സയിലായിരുന്നു. ഇന്ത്യൻ ദേശീയ ബാസ്കറ്റ്ബോൾ ടീമിന്റെ ക്യാപ്റ്റനായിരുന്നു അവർ, 1972 ലെ സമ്മർ ഒളിമ്പിക്സിൽ ഇന്ത്യയെ പ്രതിനിധീകരിച്ചു.
പ്രശസ്ത ബംഗാളി കവിയും നാടകകൃത്തുമായ മൈക്കൽ മധുസൂദനൻ ദത്തന്റെ കൊച്ചുമകളുടെ മകളാണ് ജെന്നിഫർ.ഇന്ത്യയുടെ മുൻ ഹോക്കി താരവും ഒളിമ്പിക് മെഡൽ ജേതാവുമായ വെസെ പേസ് ആണ് ഭർത്താവ്. ജെന്നിഫർ പേസിന്റെ നിര്യാണത്തിൽ പ്രധാനമന്ത്രി നരേന്ദ്ര മോദിയും മറ്റ് നേതാക്കളും അഗാധമായ അനുശോചനം രേഖപ്പെടുത്തി. ഇന്ത്യൻ കായികരംഗത്തിന് അവരുടെ മഹത്തായ സംഭാവനയെ പ്രധാനമന്ത്രി ഓർമ്മപ്പെടുത്തി.
മുൻ ദേശീയ ക്യാപ്റ്റനുമായിരുന്ന ജെന്നിഫർ പേസിന്റെ വിയോഗത്തിൽ അഖിലേന്ത്യാ ടെന്നീസ് അസോസിയേഷൻ, ബാസ്കറ്റ്ബോൾ ഫെഡറേഷൻ, വിവിധ കായിക സംഘടനകൾ എന്നിവർ ആദരാഞ്ജലികൾ അർപ്പിച്ചു.
