ആലപ്പുഴ:സംസ്ഥാന സെക്രട്ടറി എന്ന നിലയില് ബിനോയ് വിശ്വത്തിന്റെ പ്രവര്ത്തനം പോരെന്ന് സിപിഐ ആലപ്പുഴ ജില്ലാ കൗണ്സിലില് വിമര്ശനം.അദ്ദേഹത്തിന്റെ നിലപാടുകള്ക്ക് ശക്തിയില്ലെന്നും മുന് സെക്രട്ടറിമാരെ അപേക്ഷിച്ച് പ്രവര്ത്തനം മോശമെന്നും ഒരുവിഭാഗം നേതാക്കള് അഭിപ്രായപ്പെട്ടു.
പല കാര്യങ്ങളിലും കൃത്യ സമയത്ത് പാര്ട്ടി നിലപാട് പറയുന്നതില് ബിനോയ് വിശ്വം പരാജയപ്പെട്ടെന്നാണ് കുറ്റപ്പെടുത്തല്. ആശമാരുടെ സമരം നടന്നപ്പോള് ഉള്പ്പെടെ മൗനം പാലിച്ചു. എന്നാല് തിരഞ്ഞെടുപ്പ് തോറ്റശേഷം നിലപാട് വ്യക്തമാക്കി.നിലപാടെടുക്കാന് വൈകുന്നതും നിലപാടുകള് ശക്തമല്ലാത്തതും പാര്ട്ടിയെ പരിഹാസ്യമാക്കിയെന്നും പ്രതിനിധികള് വിമര്ശിച്ചു.
ഹരിപ്പാട് എഐവൈഎഫ് സംസ്ഥാന സെക്രട്ടറി മത്സരിച്ചപ്പോള് പോലും യുവാക്കള് പ്രവര്ത്തനത്തിന് ഇറങ്ങിയില്ലെന്നും വിമര്ശനം ഉണ്ടായി. എഐവൈഎഫ് പ്രവര്ത്തകര് പോലും പ്രചാരണ പരിപാടികള്ക്കും മറ്റും ഇറങ്ങിയില്ല.യുവാക്കള് പാര്ട്ടിയില് നിന്നും അകന്നുകൊണ്ടിരിക്കുകയാണ്. ഇതില് ഒന്നും ചെയ്യാന് സാധിച്ചില്ല.എന്നാല് കോണ്ഗ്രസിന്റെയും ബിജെപിയുടെയും തിരഞ്ഞെടുപ്പ് പ്രവര്ത്തനങ്ങളില് യുവാക്കളുടെ പങ്കാളിത്തം ശ്രദ്ധേയമായിരുന്നുവെന്നും ചില പ്രതിനിധികള് പറഞ്ഞു.
