തിരുവനന്തപുരം: കോണ്ഗ്രസ് മന്ത്രിമാരെ നിശ്ചയിക്കാനുളള ചര്ച്ചകള്ക്കായി സംഘടനാ ചുമതലയുളള എ ഐ സി സി ജനറല് സെക്രട്ടറി കെസി വേണുഗോപാല് തിരുവനന്തപുരത്തത്തി. സണ്ണി ജോസഫ്, പി സി വിഷ്ണുനാഥ്, പഴകുളം മധു, കെ ജയന്ത്, പ്രവീണ് കുമാര്, മാത്യു കുഴല്നാടന് എന്നിവര് വിമാനത്താവളത്തില് അദ്ദേഹത്തെ സ്വീകരിച്ചു.മുദ്രാവാക്യം വിളികളോടെയാണ് വിമാനത്താവളത്തിന് പുറത്തു വന്ന കെ സിയെ പ്രവര്ത്തകര് സ്വീകരിച്ചത്.
ഹൈക്കമാന്ഡ് തീരുമാനം അനുസരിക്കുന്ന അച്ചടക്കമുള്ള പ്രവര്ത്തകരാണ് കേരളത്തിലെ കോണ്ഗ്രസ് പ്രവര്ത്തകരെന്ന് കെസി പറഞ്ഞു. പാര്ട്ടി തീരുമാനം അംഗീകരിച്ചു മുന്നോട്ടുപോകുക എന്നതാണ് ഓരോ പാര്ട്ടി പ്രവര്ത്തകന്റെയും ഉത്തരവാദിത്തം.
സൈബര് ആക്രമണങ്ങളില് ഒരുപാട് പിച്ചി ചീന്തിയില്ലേ എന്ന് വൈകാരിക പ്രതികരണവും നടത്തി. കഴിവുള്ള മന്ത്രിമാര് ഉണ്ടാകുമെന്നും കെസി വേണുഗോപാല് പറഞ്ഞു.
