അലഹബാദ്: മുതിര്ന്ന കോണ്ഗ്രസ് നേതാവ് രാഹുലിന് അനധികൃത സ്വത്തുണ്ടെന്ന ആരോപണം അന്വേഷിക്കാന് അലഹബാദ് ഹൈക്കാടതി സിബിഐയോടും ഇ ഡിയോടും നിര്ദേശിച്ചു.
രാഹുലിന് വരവില് കവിഞ്ഞ സ്വത്തുണ്ടെന്നും ഇക്കാര്യം അന്വേഷിണമെന്നും ആവശ്യപ്പെട്ട് കര്ണാടക സ്വദേശി വിഘ്നേഷ് ശിശിര് നല്കിയ ഹര്ജിയില് ജസ്റ്റിസ് രാജേഷ് സിങ് ചൗഹാന്, ജസ്റ്റിസ് സഫീര് അഹമ്മദ് എന്നിവരുടേതാണ് ഉത്തരവ്. രാഹുലും കുടുംബാംഗങ്ങളും വരവില് കൂടുതല് സ്വത്ത് സമ്പാദിച്ചു കൂട്ടിയിട്ടുണ്ടെന്നാണ് ഹര്ജിയിലെ ആരോപണം. ഹര്ജിക്കാരന്റെ കത്ത് ലഭിച്ചതായി സിബിഐയും ഇ ഡിയും കോടതിയില് പറഞ്ഞു.
പരിശോധിച്ച് എട്ടാഴ്ചയ്ക്കുള്ളില് മറുപടി നല്കാമെന്ന് ഏജന്സികള് കോടതിയില് പറഞ്ഞു. ആരോപണത്തിന്റെ നിജസ്ഥിതി അറിയില്ല. വിഷയം പ്രാഥമിക ഘട്ടത്തില് മാത്രമാണ്, കോടതി പറഞ്ഞു. കേന്ദ്രത്തിന്റെ എസ്എഫ്ഐഒ, ധനമന്ത്രാലയം, റവന്യൂ മന്ത്രാലയം, പേഴ്സണല് ആന്ഡ് ട്രെയിനിങ് ഡിപ്പാര്ട്ട്മെന്റ് എന്നിവയുടെ അന്വേഷണവും അനിവാര്യമാണെന്നും അവരെക്കൂടി ഉള്പ്പെടുത്തണമെന്നുമുള്ള ഹര്ജിയിലെ ആവശ്യം പരിഗണിച്ച് കോടതി അവര്ക്ക് നോട്ടീസ് അയച്ചു.
