മുംബൈ: നാസിക്കിലെ ടിസിഎസ് ജിഹാദ് കേസിലെ മുഖ്യപ്രതികളിലൊരാളായ നിദ ഖാന് അഭയം നല്‍കിയ ഓള്‍ ഇന്ത്യ മജ്ലിസ്-ഇ-ഇത്തേഹാദുല്‍ മുസ്ലിമീന്‍ (എഐഎംഐഎം) നേതാവ് മതീന്‍ മജീദ് പട്ടേലിന്റെ അനധികൃത സ്വത്തുക്കള്‍ പൊളിച്ചുമാറ്റി. ഛത്രപതി സംഭാജി നഗര്‍ മുന്‍സിപ്പല്‍ കോര്‍പറേഷന്റേതാണ് നടപടി.
സ്വത്തുക്കളുമായി ബന്ധപ്പെട്ട രേഖകള്‍ സമര്‍പ്പിക്കാന്‍ ഇയാള്‍ക്ക് 72 മണിക്കൂര്‍ സമയം നല്‍കിയിരുന്നു. എന്നാല്‍ ആവശ്യമായ രേഖകള്‍ സമര്‍പ്പിക്കാന്‍ കഴിയാതെ വന്നതിന് പിന്നാലെയാണ് പൊളിക്കല്‍ നടപടികള്‍ ആരംഭിച്ചത്. ഇളവ് തേടി മതീന്‍ ബോംബെ ഹൈക്കോടതിയെ സമീപിച്ചെങ്കിലും സ്റ്റേ അനുവദിച്ചില്ല.
തിങ്കളാഴ്ച നാസിക് റോഡ് കോടതിയില്‍ ഹാജരാക്കിയ ശേഷം പ്രതി നിദ ഖാനെ 14 ദിവസത്തെ ജുഡീഷ്യല്‍ കസ്റ്റഡിയില്‍ വിട്ടിരുന്നു. നിലവില്‍ നാസിക് റോഡ് സെന്‍ട്രല്‍ ജയിലിലാണ് നിദ ഖാന്.
