ലോകകപ്പ് ഫുട്ബോള് ഇങ്ങെത്തിക്കഴിഞ്ഞു. ഇന്നേക്ക് നാലാം ദിവസം മുന് ജേതാക്കളായ ബ്രസീല് 23-ാം ലോകകപ്പിനുള്ള അന്തിമ 25 അംഗ ടീമിനെ പ്രഖ്യാപിക്കും. നിലവില് പ്രാഥമികമായ 55 അംഗ ടീം പരിശീലകന് കാര്ലോ ആഞ്ചലോട്ടിക്ക് കീഴില് ഉണ്ട്. ഈ പട്ടികയില് നിന്നുപോലും ഒഴിവാക്കപ്പെട്ട അഞ്ച് ഒന്നാന്തരം ബ്രസീല് താരങ്ങളെ കുറിച്ചാണ് ചുവടെ വിവരിക്കുന്നത്.
1. ഗബ്രിയേല് ജെസ്യൂസ്
ഇംഗ്ലീഷ് പ്രീമിയര് ലീഗ് ടീം ആഴ്സണലിന്റെ ഫോര്വേര്ഡ്. പരിക്കിന്റെ പിടിയിലായിരുന്നു. അതില് നിന്നും മോചിതനായി കളത്തിലേക്ക് തിരികെയെത്തി ആഴ്സണലിനായി അത്യുഗ്രന് പ്രകടനം പുറത്തെടുത്തു വരുന്നു. പക്ഷെ ലോകകപ്പിനുള്ള കാനറി പടയില് ഉള്ക്കൊള്ളിച്ചില്ല. കഴിഞ്ഞ രണ്ട് ലോകകപ്പിലും നമ്പര് 9 പൊസിഷനില് കളിച്ച താരം. നിര്ണായകമായ ഈ റോള് കൈകാര്യം ചെയ്യാന് ജോവോ പെഡ്രോ, ഇഗര് തിയാഗോ, ഇഗര് ജെസ്യൂസ് എന്നിവരെയാണ് ആഞ്ചെലോട്ടി കണ്ടുവച്ചിരിക്കുന്നത്.
2. എഡെര് മിലിട്ടാവോ
പേശിവലിവിനെ തുടര്ന്ന് ശസ്ത്രക്രി പൂര്ത്തിയാക്കിയ താരമാണ് എഡെര് മിലിട്ടാവോ. കഴിഞ്ഞ മാസമാണ് ശസ്ത്രക്രിയയ്ക്ക് വിധേയനായത്. ഇനി ഈ ചുരുങ്ങി ദിവസങ്ങള്ക്കുള്ളില് ലോകകപ്പ് പൊലൊരു വലിയ മാമാങ്കത്തിന് പരീക്ഷിക്കുന്നത് അനുചിതമാകുമെന്ന് കോച്ച് കരുതുന്നു.
3. സാവീഞ്ഞോ
മാഞ്ചസ്റ്റര് സിറ്റിയുടെ ഒന്നാന്തരം വിങ്ങര് പക്ഷെ അടിക്കടി പരിക്കേല്ക്കുന്നത് വിനയാകുന്നുണ്ട്. ഇതാണ് ആഞ്ചെലോട്ടിക്ക് താരത്തെ ടീമിലെടുക്കാന് മടികാട്ടുന്നത്.
4. റോഡ്രിഗോ
റയലില് കളിക്കുന്ന റോഡ്രിഗോ പരിക്കില് പെട്ട് അതില് നിന്നും മുക്തനായി വരുന്നതേയുളളൂ. ഇനി കളത്തിലേക്ക് തിരികെയെത്താന് മാസങ്ങള് വേണ്ടിവന്നേക്കും. അടുത്ത നവംബര്, ഡിസംബര് എങ്കിലും വരെ കാത്തിരിക്കണമെന്നാണ് മെഡിക്കല് സംഘം നിഷ്കര്ഷിക്കുന്നത്.
5.ഹെര്കുലീസ്
കഴിഞ്ഞ വര്ഷം നടന്ന ക്ലബ്ബ് ലോകകപ്പില് ഫ്ളുമിനെന്സ് ടീമിന് വേണ്ടി അത്യുഗ്രന് പ്രകടനമാണ് കാഴ്ച്ചവച്ചത്. ക്ലബ്ബ് ഫുട്ബോളില് സ്ഥിരത പുലര്ത്തുന്ന താരം പക്ഷെ ഉള്ക്കൊള്ളാന് ആഞ്ചെലോട്ടി മനസ്സു കാട്ടിയില്ല.
