ശ്രീനഗർ : ആർട്ടിക്കിൾ 370 റദ്ദാക്കിയതിനെതിരെ പ്രതിഷേധിക്കാനെന്ന പേരിൽ ത്രിവർണ്ണപതാകയെ അപമാനിച്ച് മുൻ ജമ്മു & കശ്മീർ മുഖ്യമന്ത്രിയും പിഡിപി മേധാവിയുമായ മെഹബൂബ മുഫ്തി . ദേശീയ പതാകയെ തല കീഴായി പിടിച്ച മെഹബൂബ മുഫ്തി ഇന്ന് കരിദിനമായാണ് ആചരിച്ചത്.
ശ്രീനഗറിലെ പിഡിപി പാർട്ടി ഓഫീസിന് പുറത്ത് നടന്ന പ്രകടനത്തിനിടെ, മെഹബൂബ മുഫ്തി ഇന്ത്യയുടെ ദേശീയ പതാക തലകീഴായി പിടിച്ചിരിക്കുന്നതിന്റെ ദൃശ്യങ്ങളും പുറത്ത് വന്നു. ഇന്ത്യൻ സൈന്യത്തെയും, ജയ് ഹിന്ദ് , വന്ദേമാതരം എന്നിവ മുഴക്കരുതെന്ന് പരസ്യമായി ആഹ്വാനം ചെയ്ത വ്യക്തിയാണ് മെഹബൂബ., ‘ജയ് ഹിന്ദ്’ ഉപയോഗിക്കുന്നതിനെക്കുറിച്ചുള്ള എയർ ഇന്ത്യയുടെ സർക്കുലറിനെയും മെഹബൂബ മുൻപ് പരിഹസിച്ചിരുന്നു.
അതേസമയം മെഹബൂബയ്ക്കെതിരെ രാജ്യസ്നേഹികളായ കശ്മീരികൾ തന്നെ രംഗത്തെത്തി . മെഹബൂബ മുഫ്തിയെ ജയിലിലടക്കണമെന്നാണ് പലരും ആവശ്യപ്പെടുന്നത്.
