കൊല്ക്കൊത്ത: ബംഗാളില് ക്രമസമാധാനപാലനത്തിന് എത്തിയ എന്കൗണ്ടര് സ്പെഷ്യലിസ്റ്റായ പൊലീസ് ഓഫീസര് അജയ് പാല് ശര്മ്മയെ അറസ്റ്റ് ചെയ്ത് ജയിലിലടയ്ക്കുമെന്ന് വീരവാദം മുഴക്കിയ മമതയുടെ അനുയായി റിജു ദത്ത. ബംഗാളില് ബിജെപി അധികാരത്തിലേറിയതോടെ അജയ് പാല് ശര്മ്മയോട് മാപ്പിരന്നു.
നൂറില് പരം ക്രിമിനലുകളെ ഏറ്റുമുട്ടലുകളില് വധിച്ച നിര്ഭയനായ പൊലീസ് ഓഫീസര് അജയ് പാല് ശര്മ്മയെ ബംഗാളില് കൂടുതല് അക്രമം നടക്കാന് സാധ്യതയുള്ള രണ്ടാം ഘട്ട തെരഞ്ഞെടുപ്പിലാണ് കേന്ദ്രസര്ക്കാര് ക്രമസമാധാനപാലനത്തിന് നിയോഗിച്ചത്. മുസ്ലിം ഭൂരിപക്ഷ പ്രദേശങ്ങളായ സൗത്ത് 24 പര്ഗാനാസ് ഉള്പ്പെടെയുള്ള പ്രദേശങ്ങളിലായിരുന്നു രണ്ടാംഘട്ട തെരഞ്ഞെടുപ്പ്. എന്നാല് അജയ് പാല് ശര്മമ്മ തെരഞ്ഞെടുപ്പ് ഡ്യൂട്ടിയ്ക്കെത്തിയതോടെയാണ് തൃണമൂല് വക്താവായിരുന്ന റിജു ദത്ത വെല്ലുവിളി ആരംഭിച്ചത്. നിരവധി വീഡിയോകളിലൂടെയായിരുന്നു അജയ് പാല് ശര്മ്മയെ വെല്ലുവിളിച്ചത്. തൃണമൂല് വീണ്ടും അധികാരത്തില് വന്നാല് അജയ് പാല് ശര്മ്മയെ ജയിലില് തള്ളുമെന്നതായിരുന്നു പ്രധാന ഭീഷണി. എന്നാല് ബംഗാളില് നടന്ന തെരഞ്ഞെടുപ്പില് മൂന്നില് രണ്ട് ഭൂരിപക്ഷത്തോടെ ബിജെപി അധികാരത്തിലേറിയതോടെ അജയ് പാല് ശര്മ്മയോട് മാപ്പിരക്കുകയാണ് റിജു ദത്ത.
ഉത്തര്പ്രദേശിലെ ചില സീനിയര് ബിജെപി നേതാക്കളുടെ പ്രേരണയാലാണ് താന് അജയ് പാല് ശര്മ്മയെ വീഡിയോയിലൂടെ ആക്രമിച്ചതെന്നായിരുന്നു റിജു ദത്ത ന്യായീകരിച്ചത്. അതുപോലെ തൃണമൂല് പാര്ട്ടി ഓഫീസിലിരുന്നുകൊണ്ടാണ് താന് അജയ് പാല് ശര്മ്മയ്ക്കെതിരായ പല വീഡിയോകളും ചിത്രീകരിച്ചതെന്നും അതെല്ലാം പാര്ട്ടിയുടെ ലൈന് അനുസരിച്ച് പറഞ്ഞുപോയതാണെന്നും ക്ഷമാപണത്തില് റിജു ദത്ത പറഞ്ഞു.അല്ലാതെ തനിക്ക് അജയ് പാല് ശര്മ്മയോട് വ്യക്തിപരമായി യാതൊരു വിരോധവും ഇല്ലെന്നും റിജു ദത്ത പറയുന്നു.
താന് തന്റെ കുടുംബത്തോടൊപ്പം സമാധാനപരമായിജീവിക്കാനും ഉപജീവനമാര്ഗ്ഗം തേടാനും ആഗ്രഹിക്കുന്ന ആളാണെന്നും റിജു ദത്ത ഈ ക്ഷമാപണ വീഡിയോയില് പറയുന്നു. ഉത്തര് പ്രദേശിലെ എന്കൗണ്ടര് സ്പെഷ്യലിസ്റ്റായ അജയ് പാല് ശര്മ്മ എറ്റുമുട്ടലുകളിലൂടെ നിരവധി ക്രിമിനലുകളെ വധിച്ചിട്ടുള്ള പൊലീസ് ഓഫീസറാണ്. ബംഗാളില് തെരഞ്ഞെടുപ്പില് ക്രമസമാധാനപാലനത്തിന് എത്തിയ അദ്ദേഹം മമതയുടെ ഗുണ്ടയായ ജഹാംഗീര് ഖാനെ അയാളുടെ വീട്ടിലെത്തി വെല്ലുവിളിച്ചിരുന്നു. ക്രമസമാധാനം ലംഘിക്കാന് ശ്രമിച്ചാല് കൈകാര്യം ചെയ്യും എന്നാണ് അജയ് പാല് ശര്മ്മ വെല്ലുവിളിച്ചത്. സിംഹം എന്നാണ് അജയ് പാല് ശര്മ്മ പൊതുവേ യുപിയില് അറിയപ്പെടുന്നത്.
