മലപ്പുറം: വെള്ളക്കെട്ടില് വീണ് ബന്ധുക്കളായ രണ്ട് കുട്ടികള് മരിച്ചു.മലപ്പുറം മഞ്ചേരി പൂക്കോട്ടൂര് പിലാക്കലിലാണ് അപകടം.മേല്മുറി ചേര്തൊടി അഫ്സലിന്റെ മകന് ആദില് ഫിറാസ് (7), കിഴിശേരി ആലിന്ചുവട് അത്തിക്കോട് അബ്ദുല് ജലീലിന്ന്റെ മകന് മുഹമ്മദ് ഫഹ്ലാന് (4) എന്നിവരാണ് മരിച്ചത്.
സഹോദരിമാരുടെ മക്കളാണ് മരിച്ച കുട്ടികള്. പാറമടയിലെ വെള്ളക്കെട്ടില് കുളിക്കാന് ഇറങ്ങിയപ്പോഴാണ് അപകടം ഉണ്ടായതെന്നാണ് പ്രാഥമിക നിഗമനം.
കുട്ടികളെ കാണാത്തതിനാല് നടത്തിയ തിരച്ചിലിലാണ് വെള്ളത്തില് വീണ നിലയില് കണ്ടെത്തിയത്. ഉടന് മെഡിക്കല് കോളേജ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
മൃതദേഹം പോസ്റ്റ്മോര്ട്ടത്തിനുശേഷം ബന്ധുക്കള്ക്ക് വിട്ടു നല്കും. പൊലീസും അഗ്നിരക്ഷാ സേനയും സ്ഥലത്തെത്തി മേല് നടപടികള് സ്വീകരിച്ചു.
