കൊച്ചി: അവയവദാനതട്ടിപ്പിന് വ്യാജരേഖകള് ചമച്ച സൈന് ഡിജിറ്റല് സ്റ്റുഡിയോ കോണ്ഗ്രസ് നേതാവ് പിഐ അന്വറിന്റേത്. ഇക്കഴിഞ്ഞ ഗ്രാമപഞ്ചായത്ത് തെരഞ്ഞെടുപ്പില് കുന്നത്തുനാട് മൂന്നാം വാര്ഡില് കോണ്ഗ്രസ് സ്ഥാനാര്ത്ഥിയായി മത്സരിച്ചിരുന്ന ആളാണ് പി.ഐ.അന്വര്.
വ്യാജരേഖ ചമച്ച് അവയവദാനതട്ടിപ്പ് നടത്തിയ മുഹമ്മദ് നജീബും ഭാര്യയും എറണാകുളം പള്ളിക്കരയിലെ സൈന് ഡിജിറ്റല് സ്റ്റുഡിയോയില് സ്ഥിരം സന്ദര്ശകരായിരുന്നു. ഇവര് പി.ഐ. അന്വറുമായി ചേര്ന്ന് എന്തൊക്കെ തട്ടിപ്പുകളാണ് നടത്തിയിട്ടുള്ളത്. എന്ന് കണ്ടെത്തേണ്ടിയിരിക്കുന്നു.
അവയവ വില്പനയുമായി ബന്ധപ്പെട്ട പ്രതി സനോജ് ഈ സൈന് ഡിജിറ്റല് സ്റ്റുഡിയോയിലെ ജീവനക്കാരനാണ്. ലെറ്റര്പാഡ് ഉള്പ്പെടെയുള്ള വ്യാജരേഖ ചമച്ച ലാപ് ടോപ് കണ്ടെടുത്തു. നജീബ് ഏകദേശം 12ഓളം കേസുകളില് പ്രതിയാണ്. കൊലപാതകക്കേസില് പ്രതിയാണ്. 2017ല് മംഗലാപുരത്ത് കാഫിയ റഫീഖിനെ കൊലപ്പെടുത്തിയതില് നജീബും പങ്കാളിയാണ്. കുട്ടികള്ക്ക് നേരെയുള്ള അക്രമം, പിടിച്ചുപറി, സാമ്പത്തിക തട്ടിപ്പ് തുടങ്ങിയ കേസുകളിലും പ്രതിയാണ്. പക്ഷെ 2023ല് അവയവദാന റാക്കറ്റില് കണ്ണിയായ ശേഷം വളരെപെട്ടെന്ന് ഇതിന്റെ നേതൃസ്ഥാനത്തേക്ക് നജീബ് ഉയര്ന്നു.
അവയവങ്ങള് സ്വീകരിക്കുന്നവര് അവയവം ദാനം ചെയ്യുന്നയാളുടെ അടുത്ത ബന്ധുവാണെന്ന് വരുത്തിത്തീര്ക്കാനാണ് വ്യാജരേഖ ചമയ്ക്കുക. ഇതിനായി ആധാര്, തിരിച്ചറിയല് രേഖ,ലെറ്റര്പാഡ് എന്നിവ വ്യാജമായി നിര്മ്മിയ്ക്കുകയാണ് ചെയ്യുക. ഹൈബി ഈഡന് ഉള്പ്പെടെയുള്ളവരുടെ ലെറ്റര് പാഡ് വരെ ഇവര് ചമച്ചിട്ടുണ്ട്.
