ന്യൂദല്ഹി: രാജ്യത്തെ കോടതികളിലുടനീളം സംയോജിത ജുഡീഷ്യല് ഡാറ്റാ ആക്സസ് പ്രകാരം കേസ് മാനേജ്മെന്റ് ശക്തിപ്പെടുത്താന് വണ് കേസ് വണ് ഡാറ്റാ എന്ന പുതിയ സംരംഭം ആരംഭിച്ച് സുപ്രീംകോടതി.
സുപ്രീംകോടതി, ഹൈക്കോടതികള്, ജില്ലാ കോടതികള് എന്നിവയില് നിന്നുള്ള കേസ് ഡാറ്റ സുഗമമായി സംയോജിപ്പിക്കാന് ഈ സംവിധാനം സഹായിക്കുമെന്നും അദ്ദേഹം കൂട്ടിച്ചേര്ത്തു. ആദ്യമായാണ് എല്ലാ കോടതികളുടെയും ഡാറ്റ സംയോജിപ്പിക്കുന്നത്. ഏത് കോടതിയില് ഇരുന്നായാലും കേസുമായി ബന്ധപ്പെട്ട മറ്റു കോടതിയിലെ വിവരങ്ങല് സാധാരണക്കാര്ക്ക് ലഭ്യമാക്കുന്നതാണ് ഈ സംവിധാനം. ആവശ്യാനുസരണം കേസ് വിവരങ്ങള് കൈവശം വയ്ക്കാനും ഈ സംവിധാനം കൊണ്ട് സാധിക്കുന്നു. എല്ലാ കേസുകളുടെ സുതാര്യതയും കൃത്യതയും വര്ദ്ധിപ്പിക്കുന്നതിനാണ് ഈ സംവിധാനം സഹായിക്കുന്നത്. സുപ്രീംകോടതിയുമായി സഹകരിച്ച് നാഷണല് ഇന്ഫോര്മാറ്റിക് സെന്റര് വികസിപ്പിച്ചെടുത്ത എഐ ചാറ്റ്ബോക്സായ സു-സഹായ് എന്ന സംരംഭവും കോടതി ആരംഭിച്ചു. കേസുമായി ബന്ധപ്പെട്ട വിവരങ്ങള് കോടതിയില് നിന്ന് ചാറ്റ് ചെയ്ത് അറിയാനാണ് പുതിയ എഐ സംവിധാനം.
