തിരുവനന്തപുരം: വലിയൊരു ട്വിസ്റ്റാണ് ബംഗാള് തെരഞ്ഞെടുപ്പ് കേരളത്തിന് കൊണ്ടുവന്നത്. പൗരത്വം നഷ്ടപ്പെടും എന്ന ഭീതിയില് കൂട്ടത്തോടെ ബംഗാള് തെരഞ്ഞെടുപ്പിന് പോയ ഇവരാരും മടങ്ങിവന്നില്ല. ഇതോടെ കേരളത്തിലെ കെട്ടിട നിര്മ്മാണ മേഖലയും ഹോട്ടല് മേഖലയും സ്തംഭിച്ചു. കം ബാക് ഭായി ( മടങ്ങിവരൂ ഭായിമാരേ…) തുടങ്ങിയ അപേക്ഷകളുമായി നിരവധി വീഡിയോകളാണ് സമൂഹമാധ്യമങ്ങളില് പ്രചരിക്കുന്നത്.
ഇപ്പോള് പുതിയ ചില വെളിപ്പെടുത്തലുകള് പുറത്തുവരികയാണ്. ഇവരില് നല്ലൊരു ശതമാനം ബംഗ്ലാദേശികളായിരുന്നുവെന്നാണ് വിലയിരുത്തല് വരുന്നത്. ബിജെപി നേതാവ് യുവരാജ് ഗോകുലിന്റെ ഒരു പോസ്റ്റ് ശ്രദ്ധേയമാണ്. “അവരില് ഒട്ടുമുക്കാലും ബംഗ്ലാദേശികളായിരുന്നു…. കൂടും കുടുക്കയുമെടുത്ത് അതിര്ത്തി കടന്ന് സ്ഥലം വിട്ടു….ബാക്കിയുള്ളത് സഖാക്കള് ആയിരുന്നു…. അവരിപ്പോള് കിരീടത്തിലെ ഹൈദ്രോസിന്റെ വേഷം ജീവിതത്തില് അവതരിപ്പിക്കുന്ന തിരക്കിലുമാണ്…”.- ഇതാണ് പാതി തമാശയും പാതി ഗൗരവവും കലര്ത്തിയ യുവരാജ് ഗോകുലിന്റെ പോസ്റ്റ്.
കേരളത്തില് ഹോട്ടല് ആന്റ് റെസ്റ്റോന്റ്സ് അസോസിയേഷന് ഭാരവാഹികള് പല ബംഗാളി ഭായിമാരെയും ഫ്ലൈറ്റില് വരെ കയറ്റിവിട്ടിരുന്നു ഇവരും മടങ്ങിവന്നിട്ടില്ല. അപ്രതീക്ഷിതമായി ബിജെപി മൂന്നില് രണ്ട് ഭൂരിപക്ഷം നേടി അധികാരത്തില് എത്തിയതോടെ കാര്യങ്ങള് മാറിമറിയുകയായിരുന്നു.
മമത ബാനര്ജിയും തൃണമൂല് കോണ്ഗ്രസ് സര്ക്കാരും നിലംപൊത്തുമെന്ന് അവര് സ്വപ്നത്തില് നിനച്ചിരുന്നില്ല. ഒരു പക്ഷെ നാട്ടില് പോയ അവര് ഇനി എന്തെങ്കിലും അനുകൂലമാറ്റങ്ങള് ഉണ്ടാകുമോ എന്ന കാത്തിരിക്കുകയുമാവാം. മാത്രമല്ല, കേരളത്തില് നിന്നും പോയ ഭായിമാരില് പലരും ബിജെപിയ്ക്കാണ് വോട്ട് ചെയ്തതെന്ന ചില വെളിപ്പെടുത്തലുകളും പുറത്തുവരുന്നുണ്ട്. പലരും തൃണമൂല് കോണ്ഗ്രസിന്റെ വാഴ്ചക്കാലത്ത് വോട്ട് ചെയ്യാന് കഴിയാത്തവരായിരുന്നു. ഇത്തവണം 2.4 ലക്ഷം സായുധധാരികളായ അര്ധസൈനികര് വോട്ടിംഗ് പ്രക്രിയ സുഗമമായി നടക്കാന് കാവല് നിന്നിരുന്നതിനാല് ഇക്കുറി എല്ലാവര്ക്കും ഭയമില്ലാതെ വോട്ടു ചെയ്യാന് സാധിച്ചിരുന്നു.
ഇതോടെ അനധികൃത കുടിയേറ്റം നിര്ത്തുമെന്നും അനധികൃത കുടിയേറ്റക്കാരെ നാടുകടത്തിയേക്കാമെന്നുമുള്ള അഭിപ്രായം ശക്തമായിട്ടുണ്ട്. തൃണമൂലിനും മമതയ്ക്കും ഇനി തങ്ങളെ രക്ഷിക്കാന് കഴിയില്ലെന്ന് ഇവര് തിരിച്ചറിഞ്ഞിട്ടുണ്ട്. ഇതില് പലരും ഇതിനകം ബംഗ്ലാദേശിലേക്ക് മടങ്ങിപ്പോയതായും റിപ്പോര്ട്ടുകളുണ്ട്. പിന്നൊന്ന്, ഭരണമാറ്റം ഉണ്ടായതോടെ ബംഗാളില് തന്നെ തൊഴില് സാഹചര്യങ്ങളില് മാറ്റങ്ങളുണ്ടാകുമെന്ന പ്രതീക്ഷയാണ്.
