കൊല്ക്കൊത്ത: മമതയുടെ കാലത്ത് ഭരണം ആസ്വദിച്ചിരുന്ന പഴയ തൃണമൂല് നേതാക്കള് ഇപ്പോള് പാര്ട്ടി തെരഞ്ഞെടുപ്പില് തകര്ന്നടിഞ്ഞതോടെ മമതയെയും മരുമകന് അഭിഷേക് ബാനര്ജിയെയും തൃണമൂല് തെരഞ്ഞെടുപ്പ് ചുക്കാന് പിടിച്ചിരുന്ന ഐപാകിനെയും തള്ളിപ്പറയുന്നു.
ഇതില് തൃണമൂലിന്റെ വക്താവായിരുന്ന റിജു ദത്തയാണ് വലിയ വിമര്ശകന്. ഇപ്പോള് മമതയ്ക്കെതിരെ ആഞ്ഞടിക്കുകയാണ് ഈ നേതാവ്. ബിജെപി നേതാക്കളെ തെരഞ്ഞെടുപ്പ് കാലത്ത് ശക്തമായ ഭാഷയിലാണ് റിജു ദത്ത വിമര്ശിച്ചത്. തൃണമൂല് നേതാക്കള് സമ്മര്ദ്ദം ചെലുത്തിയതുകൊണ്ടാണ് താന് ബിജെപി നേതാക്കലളെ ശക്തമായി വിമര്ശിച്ചതെന്ന് റിജു ദത്ത മാധ്യമങ്ങള്ക്ക് മുന്പില് ഏറ്റുപറഞ്ഞതോടെ ഇയാളെ ആറ് വര്ഷത്തേക്ക് സസ്പെന്റ് ചെയ്തിരിക്കുകയാണ് തൃണമൂല് കോണ്ഗ്രസ്. .
ഈ ബംഗാള് നിയമസഭാ തെരഞ്ഞെടുപ്പ് കാലത്ത് തൃണമൂലിന് വേണ്ടി ബിജെപിയ്ക്കെതിരെ ആഞ്ഞടിച്ച നേതാവായ റിജു ദത്ത തൃണമൂലിന്റെ തോല്വിയോടെ മമതയെ തള്ളിപ്പറയുകയാണ്. പാപിയ ഘോഷ്, കൃഷ്ണേന്ദു നാരായണ് ചൗധരി, കോഹിനൂര് മജുംദാര്, കാര്തിക് ഘോഷ് തുടങ്ങിയവരും ശക്തമായ ഭാഷയില് മമതയെയും മരുമകന് അഭിഷേക് ബാനര്ജിയെയും വിമര്ശിക്കുകയാണ്.
മൂന്ന് കാരണമാണ് തൃണമൂലിനെ തോല്പിച്ചത്. അതില് പ്രധാനം തെരഞ്ഞെടുപ്പ് തന്ത്രങ്ങള്ക്ക് ചുക്കാന് പിടിച്ച ഐപാക്എന്ന കമ്പനിയാണ്. തെരഞ്ഞെടുപ്പില് മത്സരിക്കാന് ടിക്കറ്റ് കിട്ടാന് 50 ലക്ഷം രൂപ വരെ ഐപാക് ഉദ്യോഗസ്ഥര് ചോദിച്ചിരുന്നു. ഐപാകിലെ വിദേശരാജ്യങ്ങളിലിരിക്കുന്ന ചെറിയപ്രായക്കാരാണ് തൃണമൂല് നേതാക്കളെ തെരഞ്ഞെടുപ്പ് കാലത്ത് പഠിപ്പിക്കാന് ശ്രമിച്ചത്. ഇവര്ക്ക് ബംഗാളിനെക്കുറിച്ച് എന്തറിയാം? എങ്ങിനെയാണ് മമത തൃണമൂലിന്റെ ഇത്രയധികം നേതാക്കള് ഉണ്ടായിട്ടും പുറത്തുള്ള ഒരു ഏജന്സിയെ വിശ്വസിച്ച് എല്ലാ പ്രവര്ത്തനങ്ങളും അവരെ ഏല്പിച്ചത്?- റിജു ദത്ത ചോദിക്കുന്നു.
ബംഗാളിലെ ജനങ്ങള് മുഴുവന് തൃണമൂലിനോടുള്ള വിരോധം മൂലമാണ് വോട്ട് ചെയ്തതെന്നാണ് റിജു ദത്ത പറയുന്നത്. ഇതിന് കാരണം മമതയെയും മരുമകനെയും ചുറ്റിപ്പറ്റിയുള്ള അധികാരഗ്രൂപ്പുകളാണെന്നും റിജു ദത്ത തുറന്നടിക്കുന്നു. ഭരണ വിരുദ്ധ വികാരം ഇല്ലാതാക്കാന് ഒരു പ്രവര്ത്തനവും തൃണമൂല്ചെയ്തില്ലെന്നാണ് പാപിയ ഘോഷിന്റെ വിമര്ശനം.
ഇവര് അഞ്ച് പേര്ക്കുമെതിരെ കാരണം കാണിക്കല് നോട്ടീസ് നല്കിയിരിക്കുകയാണ് തൃണമൂല് നേതാവും മമതയുടെ അടുത്ത ആളുമായ ഡെറക് ഒബ്രിയെന്.
തൃണമൂലിന്റെ പഴയകാല ചെയ്തികളുടെ പേരില് പൊലീസ് കേസും അറസ്റ്റും വരുമോ എന്ന ഭയവും ഇവര്ക്കുണ്ട്. ഇതില് നിന്നും ഒഴിവായിക്കിട്ടാനും പലരും മമതയെയും മരുമകനെയും വിമര്ശിക്കുന്നുണ്ട്. ഇതിനിടെ മമത അറസ്റ്റിലായേക്കുമെന്നും പറഞ്ഞുകേള്ക്കുന്നു. ഇവര്ക്കെതിരായ ഇഡി കേസിന്റെ പേരിലാണ് മമതയെ അറസ്റ്റു ചെയ്യുകയെന്നാണ് പറയപ്പെടുന്നത്.
