മേടക്കൂറ്: അശ്വതി, ഭരണി, കാര്ത്തിക (1/4)
ഭൂമി വാങ്ങാന് സാധിക്കും. പാര്ട്ണര്ഷിപ്പ് കച്ചവടത്തില് നിന്ന് ധാരാളം ആനുകൂല്യം ലഭിക്കും. കുടുംബാംഗങ്ങളുടെ ആരോഗ്യം മെച്ചപ്പെട്ട നിലയിലായിരിക്കും. ഉദേ്യാഗത്തില് ഉദ്ദേശിച്ച സ്ഥലത്തേക്ക് മാറ്റം ലഭിക്കും. തുടങ്ങിവച്ച പ്രവൃത്തികള് വിജയകരമായി മുഴുമിപ്പിക്കും. സ്വല്പം പ്രയാസങ്ങളുണ്ടാകും.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
വീട്ടില് സ്വസ്ഥത വര്ധിക്കും. മാസാദ്യത്തെക്കാള് അവസാനം ഗുണം ചെയ്യും. പരീക്ഷാദികാര്യങ്ങളില് വിജയമുണ്ടാകും. സഹോദരന്മാരില്നിന്ന് സഹായങ്ങളുണ്ടാകും. സമീപവാസികളില്നിന്ന് ബുദ്ധിമുട്ട് അനുഭവിക്കും. വീട് വയ്ക്കാനുള്ള സ്ഥലം വാങ്ങാനിടയുണ്ട്. അന്യനാട്ടില്നിന്നുളളവര്ക്ക് ധനസഹായമുണ്ടാകും.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
ക്രയവിക്രയങ്ങള് നടത്തുമ്പോള് ശ്രദ്ധിക്കണം. പ്രധാനപ്പെട്ട രേഖകള് നഷ്ടപ്പെടാനിടയുണ്ട്. ഓഫീസ് കാര്യങ്ങളില് അശ്രദ്ധ കാരണം മേലുദ്യോഗസ്ഥരില്നിന്ന് ശകാരം കേള്ക്കേണ്ടിവരും. പിതൃസ്വത്ത് അനുഭവയോഗ്യമാകും. കുടുംബത്തില് സുഖമുണ്ടാകും. ഒന്നിലും ഉറച്ചുനില്ക്കാനുള്ള മനസ്സുണ്ടാവില്ല.
കര്ക്കടകക്കൂറ്: പുണര്തം (1/4), പൂയം, ആയില്യം
വിദേശത്തുള്ളവരില്നിന്ന് സഹായം ലഭിക്കും. വാഹനാപകടം വരാതെ ശ്രദ്ധിക്കണം. മുമ്പ് മുഴുമിപ്പിക്കാത്ത വീടു പ്രവൃത്തികള് പൂര്ത്തിയാക്കാനിടവരും. സന്താനങ്ങള്ക്ക് അസുഖങ്ങള് വന്നേക്കാം. ഓഹരികൡനിന്ന് നഷ്ടം സംഭവിക്കും. പരീക്ഷാദികളില് വിജയമുണ്ടാകും. പുതിയ കാര്യങ്ങള് ചര്ച്ച ചെയ്യും.
ചിങ്ങക്കൂറ്: മകം, പൂരം, ഉത്രം (1/4)
കുടുംബത്തില് അഭിപ്രായഭിന്നത ഉടലെടുക്കും. സര്ക്കാരിന് അടക്കേണ്ട പണത്തിന് നിയമ നടപടി വന്നുചേരും. ജോലിക്ക് ചില തടസങ്ങള് വന്നുചേരും. ചീത്ത സമയമാണെന്ന് കരുതി ഓരോ കാര്യങ്ങള് ചെയ്യുമ്പോള് കൂടുതല് ശ്രദ്ധിക്കണം. കൃഷി, വാടക എന്നിവയില്നിന്നുള്ള വരുമാനം വര്ധിക്കും.
കന്നിക്കൂറ്: ഉത്രം (3/4), അത്തം, ചിത്തിര (1/2)
നഷ്ടപ്പെട്ട രേഖകള് തിരികെ ലഭിക്കും. നേത്രരോഗങ്ങള് പിടിപെടും. സ്വത്ത് ഭാഗംവച്ച് കിട്ടാനിടയുണ്ട്. മക്കളുടെ വിദ്യാഭ്യാസം, വിവാഹം എന്നിവയെക്കുറിച്ച് ചിന്തിച്ച് വ്യാകുലപ്പെടും. തൊഴില്രംഗത്ത് തടസങ്ങള് ഉണ്ടാകും. വിദേശയാത്രയെക്കുറിച്ച് ചിന്തിക്കും. പിതൃസ്വത്ത് അനുഭവയോഗ്യമാകും.
തുലാക്കൂറ്: ചിത്തിര (1/2), ചോതി, വിശാഖം (3/4)
ഓഹരികളില്നിന്നുള്ള ലാഭം കിട്ടുന്നതാണ്. ഉന്നത വ്യക്തികളുമായി ബന്ധപ്പെടാനും അവരുമായി സഹകരിക്കാനും ഇടവരും. ഭൂമിയില്നിന്നുള്ള ആദായം കുറയും. ഉയര്ന്ന വിദ്യാഭ്യാസത്തില് പുരോഗതിയുണ്ടാകും. മതപരമായ അനുഷ്ഠാനത്തില് ശ്രദ്ധ ചെലുത്തും. രോഗത്തെത്തുടര്ന്ന് ആശുപത്രിവാസം വേണ്ടിവരും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
മേലുദ്യോഗസ്ഥരില്നിന്ന് അനുകൂല നിലപാടായിരിക്കും. സ്ത്രീജനങ്ങളില്നിന്ന് സഹായമുണ്ടാകും. വേണ്ടപ്പെട്ടവരുടെ വിയോഗം മനസ്സിനെ അലട്ടിക്കൊണ്ടിരിക്കും. വിദ്യാഭ്യാസ രംഗങ്ങളില് പ്രയാസങ്ങള് നേരിടും. കര്മരംഗം പൊതുവെ നല്ല നിലയില് ആയിരിക്കും. ബുദ്ധിശക്തിക്കും അറിവിനും അംഗീകാരം ലഭിക്കും.
ധനുക്കൂറ്: മൂലം, പൂരാടം, ഉത്രാടം (1/4)
സന്താനങ്ങള്ക്ക് പുരോഗതിയുണ്ടാകും. ഉദരസംബന്ധമായ രോഗം വരാനിടയുണ്ട്. ആത്മവിശ്വാസം നഷ്ടപ്പെടുന്ന അവസരങ്ങളുണ്ടാകും. ജോലിസ്ഥലത്ത് ചില പ്രശ്നങ്ങള് ഉടലെടുക്കും. പുതിയ വ്യാപാരത്തെപ്പറ്റി സുഹൃത്തുക്കളുമായി ചര്ച്ച ആരംഭിക്കാനിടയുണ്ട്. പ്രയത്നിക്കുന്നതിനനുസരിച്ച് ഫലമുണ്ടാകും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
മെഡിക്കല് സംബന്ധമായി പ്രവര്ത്തിക്കുന്നവര്ക്ക് പണവും ശ്രേയസ്സും ഉണ്ടാകും. ഉദ്യോഗത്തില് പ്രമോഷന് സാധ്യതയുണ്ട്. സദ്യകളിലും സത്കാരങ്ങളിലും പങ്കുകൊള്ളും. കുട്ടികളുടെ ആരോഗ്യകാര്യങ്ങളില് കൂടുതല് ശ്രദ്ധ പതിക്കേണ്ടിവരും. ജനമധ്യത്തില് മതിപ്പും നേതൃത്വവും ലഭിക്കും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
സാഹസപ്രവൃത്തികളില് ഏര്പ്പെടുന്നവര് സുരക്ഷിതത്വ കാര്യങ്ങളില് ശ്രദ്ധിക്കണം. സന്താനങ്ങളുടെ നിര്ബന്ധത്തിനു വഴങ്ങി ആഡംബര വസ്തുക്കള്ക്കായി പണം ചെലവഴിക്കും. ചിട്ടയായ പ്രവര്ത്തനങ്ങള്ക്ക് ഉദ്ദിഷ്ട ഫലം ലഭിക്കും. ജീവിതത്തില് പല പരിവര്ത്തനങ്ങളും സംഭവിക്കും. നൂതനഗൃഹത്തിലേക്കു മാറുവാന് സാധ്യതയുണ്ട്.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
വാഹനങ്ങളില്നിന്നും കെട്ടിട വാടകയില്നിന്നും വരുമാനം വര്ധിക്കും. എന്ജിനീയറിങ്ങുമായി ബന്ധപ്പെട്ട വിഷയങ്ങളില് പ്രാവീണ്യം നേടാന് പരിശ്രമിച്ച് അതില് വിജയം കൈവരിക്കും. ആഭരണങ്ങള് വാങ്ങാനവസരമുണ്ടാകും. വ്യാപാരം അഭിവൃദ്ധിപ്പെടും. ദൂരയാത്ര ആവശ്യമായിവരും.
