ചെന്നൈ: ചെന്നൈ ജവഹർലാൽ നെഹ്‌റു സ്റ്റേഡിയത്തിൽ നടക്കുന്ന തമിഴക വെട്രി കഴകം മേധാവി വിജയുടെ സത്യപ്രതിജ്ഞാ ചടങ്ങിൽ നടി തൃഷ കൃഷ്ണൻ പങ്കെടുക്കും. ചെന്നൈയിലെ തന്റെ വീട്ടിൽ നിന്ന് ഇറങ്ങുമ്പോൾ, ചടങ്ങിന് സാക്ഷ്യം വഹിക്കാൻ താൻ “ആകാംക്ഷയോടെ കാത്തിരിക്കുകയാണെന്ന്” തൃഷ പറഞ്ഞു.
ചടങ്ങിൽ പങ്കെടുക്കാൻ നീല സിൽക്ക് സാരി ധരിച്ച് ദക്ഷിണേന്ത്യൻ ലുക്കിലാണ് നടി എത്തിയത്. നടിയുടെ അമ്മ ഉമാ കൃഷ്ണനും ഒപ്പമുണ്ടായിരുന്നു.
സ്വർണ്ണ നിറങ്ങളിലുള്ള നീല സിൽക്ക് സാരിയും ബീജ് എംബ്രോയ്ഡറി ചെയ്ത ബ്ലൗസും ധരിച്ച താരം ഡയമണ്ട്, റൂബി ചോക്കർ അണിഞ്ഞിരുന്നു. മിനിമൽ മേക്കപ്പ്, മുല്ലപ്പൂവ് കൊണ്ട് അലങ്കരിച്ച മുടി എന്നിവ ഭംഗി കൂട്ടി.
#WATCH | Tamil Nadu: On a reporter's question- "big day for Tamil Nadu", actor Trisha Krishnan says, "Thank you, looking forward," as she leaves from her residence in Chennai pic.twitter.com/qdEAnfP2q8
— ANI (@ANI) May 10, 2026
നടിയുടെ സാന്നിധ്യം ഇതിനൊടകം ചർച്ചയായിട്ടുണ്ട്. വിജയ്‌യുടെ കുടുംബാംഗങ്ങളും അദ്ദേഹത്തോട് അടുപ്പമുള്ള ആളുകളും ചടങ്ങിൽ പങ്കെടുക്കുന്നുണ്ട്. സത്യപ്രതിജ്ഞയ്ക്ക് തൊട്ടുമുമ്പ്, വിജയ് ചെന്നൈയിലെ ജവഹർലാൽ നെഹ്‌റു സ്റ്റേഡിയത്തിൽ എത്തി. ചടങ്ങിൽ പങ്കെടുക്കാൻ അദ്ദേഹത്തിന്റെ കുടുംബവും എത്തി.
തിരഞ്ഞെടുപ്പ് ഫലങ്ങൾ പുറത്തുവന്ന സമയത്ത് തൃഷ തിരുപ്പതി ക്ഷേത്രം സന്ദർശിച്ചത് നേരത്തെ വലിയ ചർച്ചയായിരുന്നു. തന്റെ 43-ാം ജന്മദിനത്തോടനുബന്ധിച്ച് താരം തിരുപ്പതിയിൽ പ്രാർത്ഥന നടത്തിയത് വിജയ്‌യുടെയും പാർട്ടിയുടെയും വിജയത്തിന് വേണ്ടിയാണെന്ന് അന്ന് അഭ്യൂഹങ്ങൾ ഉയർന്നിരുന്നു. ഏപ്രിൽ 23-ന് വോട്ട് രേഖപ്പെടുത്തിയ ശേഷം തൃഷ പങ്കുവെച്ച ഇൻസ്റ്റാഗ്രാം പോസ്റ്റും തന്റെ അടുത്ത സുഹൃത്തിനുള്ള പിന്തുണയായാണ് ആരാധകർ വിലയിരുത്തിയത്. ഗില്ലി എന്ന ചിത്രത്തിലെ ഒരു ഗാനത്തിലെ വിസിൽ ശബ്ദമായിരുന്നു അത്.
അടുത്തിടെ നടന്ന തമിഴ്‌നാട് നിയമസഭാ തിരഞ്ഞെടുപ്പിൽ 108 സീറ്റുകൾ നേടിയാണ് വിജയ്‌യുടെ പാർട്ടിയായ തമിഴക വെട്രി കഴകം ഏറ്റവും വലിയ ഒറ്റകക്ഷിയായി മാറിയത്. 1960-കൾ മുതൽ തമിഴ്‌നാട് രാഷ്‌ട്രീയത്തെ അടക്കിവാഴുന്ന ഡിഎംകെ (DMK), എഐഎഡിഎംകെ എന്നീ കക്ഷികളെ പരാജയപ്പെടുത്തിയാണ് വിജയ് ഈ അവിസ്മരണീയ വിജയം നേടിയത്.
#WATCH | Tamil Nadu: Actor Trisha Krishnan leaves from her residence in Chennai. pic.twitter.com/M7XFTKyKSt
— ANI (@ANI) May 10, 2026
