കൊച്ചി: കോതമംഗലത്ത് വി.ഡി. സതീശന് അനുകൂലികളുടെ പ്രകടനത്തിനിടെ കെ.സി. വേണുഗോപാലിന്റെ ഫ്ളെക്സ് നശിപ്പിച്ചു. 200 ഓളം പ്രവര്ത്തകര് പങ്കെടുത്ത പ്രകടനം പിഒ ജംഗ്ഷനില് എത്തിയപ്പോഴാണ് കെസിയുടെ ഫ്ളെക്സ് നശിപ്പിച്ചത്. ശനിയാഴ്ച രാവിലെ പത്തോടെയാണ് വി.ഡി. സതീശന് അനുകൂലമായി പ്രകടനം നടന്നത്.
പിഒ ജംഗ്ഷനില് വി ഡിയുടെ കെ സിയുടെയും ഫ്ളെക്സ് അടുത്തടുത്താണ് സ്ഫാപിച്ചിരുന്നത്. ചില പ്രവര്ത്തകര് കെസിയുടെ ഫ്ളെക്സ് വലിച്ചു കീറുകയായിരുന്നു. വലിച്ചു കീറിയ ഫ്ളെക്സിന്റെ പകുതി ഭാഗം റോഡില് ഉപേക്ഷിച്ചു. കഴിഞ്ഞ ദിവസം കളമശേരിയിലും തിരുവനന്തപുരത്തും കെസിയുടെ ബാനര് കീറിയിരുന്നു.
യുഡിഎഫ് നേടിയ ചരിത്ര വിജയത്തിന്റെ ശോഭ കെടുത്തുന്ന പ്രകടനങ്ങള് പാടില്ലെന്ന് പങ്കുവച്ച ഫേസ്ബുക്ക് പോസ്റ്റില് വി.ഡി. സതീശന് പറഞ്ഞിരുന്നു.പലയിടത്തും കെ സിയുടെയും ആര് സിയുടെയും വി ഡിയുടെയുംഫ്ളെക്സുകളും ബാനറുകളും ഉയര്ത്തുകയും മറ്റു ഗ്രൂപ്പ് അണികള് അതു നശിപ്പിക്കുകയും ചെയ്യുന്നുണ്ട്.അതേസമയം, കേരളത്തില് മുഖ്യമന്ത്രി ആരെന്നു നിശ്ചയിക്കാന് ദല്ഹിയില് നിര്ണായക ചര്ച്ചകള് നടക്കുകയാണ്.
