ആലപ്പുഴ: തെരഞ്ഞെടുപ്പ് പരാജയത്തില് തന്നെ കുറ്റപ്പെടുത്തിയ യു. പ്രതിഭയെ വിമര്ശിച്ച് വെള്ളാപ്പള്ളി നടേശന്. മകന് കഞ്ചാവ് കച്ചവടത്തിന് പോകുമ്പോള് ഇത്തരം പ്രത്യാഘാതങ്ങള് ഉണ്ടാകുമെന്ന് ഓര്ക്കണമായിരുന്നുവെന്നും ഇതെല്ലാം ജനങ്ങള് കണ്ടുകൊണ്ടിരിക്കുകയായിരുന്നുവെന്നും വെള്ളാപ്പള്ളി പറഞ്ഞു.
അധികാരത്തിന്റെ തണലില് ഇത്തരം കുറ്റകൃത്യങ്ങളില് നിന്ന് രക്ഷപ്പെടാന് ശ്രമിച്ചാലും ജനങ്ങള്ക്ക് എല്ലാം അറിയാം. അവസരം കിട്ടിയപ്പോള് വോട്ടര്മാര് കൃത്യമായ മറുപടി നല്കിയെന്നും വെളളാപ്പളളി പറഞ്ഞു,
മാത്യു കുഴല്നാടന് എംഎല്എയ്ക്കെതിരെ യൂത്ത് ലീഗിന്റെ നടപടികളിലും വെള്ളാപ്പള്ളി പ്രതിഷേധം അറിയിച്ചു. മുസ്ലിം ലീഗിനെതിരെ അഭിപ്രായം പറഞ്ഞതിന് കുഴല്നാടന്റെ ചിത്രം ഫ്ലക്സില് നിന്ന് വെട്ടിമാറ്റിയത് ശരിയായ നടപടിയല്ല.
