തിരുവനന്തപുരം: കേരളത്തിന്റെ മുഖ്യമന്ത്രി ആരാകണമെന്ന കാര്യത്തിൽ കോൺഗ്രസിനുള്ളിൽ തർക്കം തെരുവിലേക്ക് പടരുന്നു. കെ പി സി സി ആസ്ഥാനത്തിന് മുന്നിൽ കെ സി വേണുഗോപാലിനെ അനുകൂലിച്ച് സ്ഥാപിച്ച ഫ്ലക്സ് ബോർഡിൽ ഇന്നലെ രാത്രി കരിഓയിൽ ഒഴിച്ചു
‘WE WANT KC… Warm Welcome LEADER’ എന്നെഴുതിയ ബോർഡാണ് വികൃതമാക്കിയത്. സംഭവം കോൺഗ്രസ് നേതൃത്വത്തെ പ്രതിരോധത്തിലാക്കിയിട്ടുണ്ട്. ഗ്രൂപ്പ് പോര് ഫ്ലക്സ് യുദ്ധത്തിൽ നിന്നും പരസ്യമായ പ്രതിഷേധ പ്രകടനങ്ങളിലേക്ക് മാറുകയാണ്. വി ഡി സതീശനെ മുഖ്യമന്ത്രിയാക്കണമെന്ന് ആവശ്യപ്പെട്ട് തിരുവനന്തപുരം ഉൾപ്പെടെയുള്ള നഗരങ്ങളിൽ ഇന്നും സതീശൻ അനുകൂലികൾ പ്രതിഷേധ പ്രകടനങ്ങൾ നടത്തും.
അതേസമയം, നഗരത്തിന്റെ പ്രധാന ഭാഗങ്ങളിൽ ഇരു നേതാക്കളെയും അനുകൂലിച്ച് വീണ്ടും ഫ്ലക്സ് ബോർഡുകൾ ഉയർന്നു. ഹൈക്കമാൻഡ് തീരുമാനം വൈകുന്ന ഓരോ നിമിഷവും അണികൾക്കിടയിലെ ചേരിതിരിവ് വർധിക്കുന്നത് പാർട്ടിക്കുള്ളിൽ ആശങ്കയുണ്ടാക്കുന്നുണ്ട്.
