കണ്ണൂര്: കോണ്ഗ്രസിന്റെ ആഭ്യന്തര കാര്യത്തില് മുസ്ലിം ലീഗ് ഇടപെടേണ്ടതില്ലെന്ന് പറഞ്ഞ മാത്യു കുഴല്നാടനെ വിമര്ശിച്ച് ഇരിക്കൂറില് യൂത്ത് ലീഗന്റെ ഫ്ലക്സ് ബോര്ഡ്.’കുഴല്നാടാ, നിന്റെ കുഴലൂത്ത് ലീഗിനെതിരെ വേണ്ട’ എന്ന വാചകങ്ങളാണ് ഫ്ലക്സ് ബോര്ഡുകളിലുളളത്.
വി ഡി സതീശന് അഭിവാദ്യങ്ങള് നേരുന്ന വാചകങ്ങളും ഫ്ലെക്സ് ബോര്ഡിലുണ്ട്. മുഖ്യമന്ത്രിയായി വി ഡി സതീശനെ പിന്തുണച്ച് ‘പട നയിച്ചവന് നയിക്കട്ടെ’ എന്നാണ് ബോര്ഡിലെ വാചകങ്ങള്. യൂത്ത് ലീഗ് ഇരിക്കൂര് പഞ്ചായത്ത് കമ്മിറ്റിയാണ് ബോര്ഡ് സ്ഥാപിച്ചത്.
കോണ്ഗ്രസിലെ മുഖ്യമന്ത്രി ചര്ച്ചയില് വി ഡി സതീശനുവേണ്ടി സമ്മര്ദം ചെലുത്തിയ മുസ്ലിം ലീഗിനെതിരെ മാത്യു കുഴല്നാടന് രംഗത്തുവന്നിരുന്നു. മുസ്ലിം ലീഗിന്റെ ആഭ്യന്തര കാര്യങ്ങളില് കോണ്ഗ്രസ് ഇടപെടാറില്ല. തിരിച്ചും അങ്ങനെയാകണമെന്നാണ് മാത്യു കുഴല്നാടന് പ്രതികരിച്ചത്.
രാഷ്ട്രീയമായി മുസ്ലിം ലീഗിനെ എപ്പോഴൊക്കെ ആക്രമിച്ചിട്ടുണ്ടോ അപ്പോഴൊക്കെ കോണ്ഗ്രസ് ഒപ്പം നിന്നു. പരസ്പര ധാരണയോടുകൂടി മുന്നോട്ട് പോകണം. പാര്ട്ടി തീരുമാനിക്കുന്ന ആള് മുഖ്യമന്ത്രിയാകുമെന്നും കോണ്ഗ്രസില് അഭിപ്രായ ഭിന്നതയില്ലെന്നും മാത്യു കുഴല്നാടന് പറഞ്ഞു.
