ന്യൂദല്ഹി: ശബരിമല യുവതി പ്രവേശന കേസിലെ വാദത്തിനിടെ കേരളത്തിലെ ഭരണ മാറ്റം സര്ക്കാര് അഭിഭാഷകന് സുപ്രീംകോടതിയെ അറിയിച്ചു.സംസ്ഥാനത്ത് രാഷ്ട്രീയ മാറ്റമായതിനാല് ശബരിമലയെക്കുറിച്ചുള്ള ചോദ്യങ്ങള്ക്ക് നേരിട്ട് ഉത്തരം നല്കാനായേക്കില്ലെന്ന് സര്ക്കാരിനുവേണ്ടി മുതിര്ന്ന അഭിഭാഷകന് ജയ്ദീപ് ഗുപ്ത പറഞ്ഞു.
യുവതീ പ്രവേശന വിലക്കിനെ എതിര്ക്കണമെന്ന നിര്ദ്ദേശമാണ് തനിക്ക് ലഭിച്ചിരുന്നതെന്ന് ജയ്ദീപ് ഗുപ്ത അറിയിച്ചു.എന്നാല് നേരത്തെയുള്ള നിലപാട് ഇതിനകം തന്നെ മാറ്റിയല്ലോ എന്ന് ജസ്റ്റിസ് ബി.വി.നാഗരത്ന പറഞ്ഞു. അനിവാര്യ മതാചാരങ്ങളില് കോടതികളല്ല മതപണ്ഡിതരാണ് തീരുമാനമെടുക്കേണ്ടത് എന്ന് ജയ്ദീപ് ഗുപ്ത വാദിച്ചു.കേസില് ചൊവ്വാഴ്ച വാദം തുടരും.
പത്തിനും അമ്പതിനും വയസിനിടയിലുള്ള യഥാര്ത്ഥ അയ്യപ്പ വിശ്വാസികളായ സ്ത്രീകള് ശബരിമലയില് പോകില്ലെന്ന് ജസ്റ്റിസ് ബിവി നാഗരത്ന നേരത്തേ അഭിപ്രായപ്പെട്ടിരുന്നു. ഒരു വിശ്വാസി ദൈവത്തെ ചോദ്യം ചെയ്യുമോ എന്നും നൂറ്റാണ്ടുകള് പഴക്കമുള്ള ആചാരങ്ങളെ തുറന്നു വച്ച് പരിശോധിക്കേണ്ടതില്ലെന്നും ജസ്റ്റിസ് നാഗരത്ന വാക്കാല് പറയുകയുണ്ടായി.
