കൊല്ക്കൊത്ത: ബംഗാളില് സിപിഎം 2026ല് അക്കൗണ്ട് തുറന്നത് സിപിഎം സ്ഥാനാര്ത്ഥിയായ മുസ്തഫിജുര് റഹ്മാന്റെ ‘അസലാമു അലൈക്കും’ പറച്ചില് കൊണ്ടാണെന്ന് പരിഹാസം. അസലാമു അലൈക്കും ഞാന് സിപിഎം സ്ഥാനാര്ത്ഥി….മണ്ഡലത്തിലെ ഏത് വോട്ടര്മാരെ കണ്ടാലും സിപിഎമ്മിന്റെ മുസ്തഫിജുര് റഹ്മാന് തന്നെ പരിചയപ്പെടുത്തുക ഇങ്ങിനെ. ഊണിലും ഉറക്കത്തിലും മുസ്തഫിജുര് റഹ്മാന് . ‘അസലാമു അലൈക്കും’ പറയാന് ഒരു കാരണമുണ്ട്. അദ്ദേഹം മത്സരിച്ച ഡോംങ്കല് നിയോജകമണ്ഡലത്തില് 89 ശതമാനവും മുസ്ലിം വോട്ടര്മാരാണ്.
എന്തായാലും മുസ്തഫിജുര് റഹ്മാന്റെ വിജയം സിപിഎമ്മിന്റെ രാഷ്ട്രീയ വിജയമായി ആരും കണക്കാക്കുന്നില്ല. തൃണമൂലിലെ പടലപിണക്കങ്ങളം, ബംഗാളില് ബാബറി പള്ളി പണിയാന് തൃണമൂല് വിട്ട ഹുമയൂണ് കബീര് വോട്ടുചോര്ത്തിയതും സിപിഎമ്മിന് ഗുണമായി.
ഡോങ്കല് മണ്ഡലത്തില് ഹിന്ദു ജനസംഖ്യ 10.16% മാത്രമാണ്. സിപിഎം ഇവിടെ നല്ലതുപോലെ ‘അസലാമുഅലൈക്കും’ പറയാനറിയുന്ന, രാഷ്ട്രീയത്തിന്റെ എബിസിഡി അറിയാത്ത മുസ്ലീമിനെ സ്ഥാനാര്ത്ഥിയാക്കിയതില് പരക്കെ എതിര്പ്പുണ്ടായിരുന്നു. കാരണം 89 ശതമാനത്തോളം മുസ്ലിങ്ങളുള്ള മണ്ഡലത്തില് മുസ്ലിം വോട്ട് ബാങ്ക് ലക്ഷ്യം വെച്ചാണ് സിപിഎമ്മിന്റെ കളി എന്നാണ് എതിരാളികള് വിമര്ശിച്ചത്.
മുസ്തഫിജുര് റഹ്മാന് 1,07882 വോട്ടുകള് പിടിച്ചു. രണ്ടാം സ്ഥാനത്തെത്തിയത് തൃണമൂല് കോണ്ഗ്രസിന് വേണ്ടി മത്സരിച്ച മുന് പൊലീസ് ഓഫീസറായ ഹുമയൂണ് കബീറാണ്. ഇയാള് 91,586 വോട്ടുകള് പിടിച്ചു. ഇവിടെ മമതയ്ക്ക് വിനയായത് ജനത ഉന്നയാന് പാര്ട്ടി പിടിച്ച വോട്ടുകളാണ്. ഇത് ബംഗാളിലെ മൂര്ഷിദാബാദില് ബാബറി മസ്ജിദ് പണിയുമെന്ന് പ്രഖ്യാപിച്ച് തൃണമൂലില് നിന്നും രാജിവെച്ച മറ്റൊരു ഹുമയൂണ് കബീര് ഉണ്ടാക്കിയ പാര്ട്ടിയാണ്. ഈ പാര്ട്ടി ഇവിടെ 8000 ഓളം വോട്ടുകള് പിടിച്ചു. ഇത് തൃണമൂല് കോണ്ഗ്രസിന് കിട്ടേണ്ട വോട്ടുകളായിരുന്നു. ഇതാണ് സിപിഎം സ്ഥാനാര്ത്ഥി മുസ്തഫിജുര് റഹ്മാന്റെ വിജയത്തില് കലാശിച്ചത്.
