തൃശൂര്: ബെംഗളൂരുവില് ഡോഗ് ഷെല്ട്ടര് ഹോം ഉടമയുടെ മര്ദ്ദനത്തിന് ഇരയായ 47-കാരി മരിച്ചു. തൃശൂര് വാടാനപ്പള്ളി സ്വദേശിനിയാണ് മരിച്ചത്. തൃശൂര് ജൂബിലി മിഷന് ആശുപത്രിയില് ചികിത്സയിലായിരിക്കെ ആണ് മരണം. പ്രതി ദീപക് കൃഷ്ണ ഒളിവില് എന്നാണ് പൊലീസ് പറയുന്നത്.
ബെംഗളൂരുവിലെ സുലിബലേയിലാണ് ക്രൂരമായ സംഭവം നടന്നത്. തെരുവ് നായ്ക്കളെ സംരക്ഷിക്കുന്ന ഷെല്ട്ടര് ഉടമയായ ദീപക് കൃഷ്ണ കൊല്ലം സ്വദേശിയാണ്.
നാല്പ്പതിനായിരം രൂപ വീതം ശമ്പളം നല്കാമെന്ന ഉറപ്പിലാണ് വാടാനപ്പള്ളി സ്വദേശിനിയെയും തൃശൂര് സ്വദേശിനി മറ്റൊരു യുവതിയെയും ബെംഗളൂരുവില് എത്തിച്ചത്. ഇയാളുടെ പെരുമാറ്റം അസ്വാഭാവികമായി തോന്നിയ യുവതികള് തിരികെ കേരളത്തിലേക്ക് മടങ്ങുകയാണ് എന്ന് അറിയിച്ചപ്പോള് ആയിരുന്നു മര്ദ്ദനം.
പൊലീസ് എത്തിയാണ് യുവതികളെ മോചിപ്പിച്ചത്. കര്ണാടക പൊലീസുകാരെ വീടിനുള്ളില് പൂട്ടിയിടാനും ഇയാള് ശ്രമിച്ചു .ബംഗളൂരുവിലെ രണ്ട് ആശുപത്രികളില് എത്തിച്ച ശേഷമാണ് 47 കാരിയെ തൃശൂര് ജൂബിലി മിഷന് ആശുപത്രിയിലേക്ക് മാറ്റിയത്. ഇവരുടെ ആരോഗ്യ നില ഗുരുതരമായിരുന്നു.
