തിരുവനന്തപുരം:നിയമസഭാ തെരഞ്ഞെടുപ്പിലേറ്റ കനത്ത പരാജയത്തിന് പിന്നാലെ സിപിഎം നേതൃത്വത്തെ പരോക്ഷമായി വിമര്ശിച്ച് വിഎസ് അച്യുതാനന്ദന്റെ മകന് വി എ അരുണ്കുമാര്.അഴിമതിക്കും പരിസ്ഥിതിക്കും സാധാരണക്കാരന്റെ നീതിക്കും വേണ്ടി പോരാടണം. ആ പഴയ കരുത്തിലേക്ക് തിരിച്ചു പോകേണ്ട സമയം അതിക്രമിച്ചുവെന്നും വിഎ അരുണ്കുമാര് ഫേസ്ബുക്കില് കുറിച്ചു.
പാര്ട്ടി നിലപാടുകളിലേക്കുള്ള തിരിച്ചുപോക്ക് അനിവാര്യമാണെന്ന സൂചന നല്കിയാണ് എഫ്ബി പോസ്റ്റിട്ടിരിക്കുന്നത്.ആദര്ശങ്ങളില് നിന്നുള്ള നേരിയ വ്യതിചലനം പോലും ജനങ്ങള് ഗൗരവമായി കാണുമെന്ന് വിഎസിന് ബോധ്യമുണ്ടായിരുന്നു. ജനഹിതം എപ്പോഴും ശരിയുടെ പക്ഷത്തായിരിക്കും -അരുണ് കുമാര് പറയുന്നു.
ഒരു കാലത്ത് വി എസും പിണറായിയും സി പി എമ്മില് ചേരിതിരിഞ്ഞ് പോരടിച്ചിരുന്നു.പാര്ട്ടിയില് പിണറായി പിടിമുറുക്കിയപ്പോള് വി എസിന് ജനഹൃദയങ്ങളില് ഇടം പിടിക്കാനായി.
