ന്യൂദല്‍ഹി: പ്രതിരോധ മേഖലയില്‍ ഉള്‍പ്പെടെ തന്ത്ര പ്രാധാന്യമുള്ള ഗ്രേറ്റ് നിക്കോബാര്‍ പ്രോജക്ട് അട്ടിമറിക്കാന് പരിസ്ഥിതിയുടെ പേര് പറയുമ്പോഴും രാഹുല്‍ ഗാന്ധിയുടെ വാക്കുകളില്‍ അധിക്ഷേപം മുഴുവന്‍ അദാനിയ്‌ക്കാണ്. ഇതിനര്‍ത്ഥം ചൈനയ്ക്ക് വേണ്ടി അദാനിയെ തകര്‍ക്കുക എന്നതാണ് രാഹുല്‍ ഗാന്ധി ലക്ഷ്യമാക്കുന്നത്.
ഇന്ത്യന്‍ വ്യോമ സമുദ്രാതിര്‍ത്തി പ്രതിരോധം ശക്തമാക്കുന്ന തരത്തില്‍ നിക്കോബാറില്‍ വിമാനത്താവളവും തുറമുഖവും ഉള്‍പ്പെടെയുള്ള പദ്ധതികള്‍ അടങ്ങിയതാണ് ഗ്രേറ്റ് നിക്കോബാര്‍ പ്രോജക്ട്. ചൈനയുടെ സൈനിക താല്‍പര്യങ്ങള്‍ക്ക് ഭീഷണിയാണ് പദ്ധതിയെന്ന വിലയിരുത്തലുണ്ട്.
ഏപ്രില്‍ 29ന് രാഹുല്‍ ഗാന്ധി ഗ്രേറ്റ് നിക്കോബര്‍ പദ്ധതിക്കെതിരെ പങ്കുവെച്ച വീഡിയോയില്‍ ഏറ്റവുമധികം എതിര്‍ക്കുന്നത് അദാനിയെയാണ്. മരങ്ങള്‍ മുഴുവന്‍ മുറിക്കുകയാണ്. അദാനിയുടെ ഭാവനകള്‍ ഈ മരങ്ങളെ നശിപ്പിക്കും എന്ന് പറയുമ്പോള്‍ രാഹുല്‍ ഗാന്ധി പരോക്ഷമായി ലക്ഷ്യം വെയ്ക്കുന്നത് അദാനിയെയാണ്.
ചൈനയ്ക്ക് വേണ്ടി പല രഹസ്യപദ്ധതികളും ഇന്ത്യയില്‍ നിര്‍വ്വഹിച്ചവരാണ് കോണ്ഗ്രസ് കുടുംബം. കോണ്ഗ്രസ് കേന്ദ്രം ഭരിയ്‌ക്കുമ്പോള്‍ ചൈനീസ് കമ്മ്യൂണിസ്റ്റ് പാര്‍ട്ടിയും കോണ്ഗ്രസ് പാര്‍ട്ടിയും ത്മ്മില്‍ കരാര്‍ ഉണ്ടാക്കി 100 കോടി രൂപ രാജീവ് ഗാന്ധി ഫൗണ്ടേഷന്‍ എന്ന സംഘടനയ്‌ക്ക് വേണ്ടി ഷീ ജിന്‍പിങ്ങില്‍ നിന്നും സോണിയ ഗാന്ധി വാങ്ങിയിട്ടുണ്ട്. ചൈന ഇങ്ങിനെ പണം നല്‍കണമെങ്കില്‍ അവരുടെ അജണ്ടകള്‍ ഇന്ത്യയില്‍ സംരക്ഷിക്കപ്പെടും എന്ന ഉറപ്പ് തന്നെയാണത്. അതാണ് ഇപ്പോള്‍ ചൈനയ്ക്ക് ഏറ്റവുമധികം സൈനിക ഭീഷണി ഉയര്‍ത്തുന്ന ഗ്രേറ്റ് നിക്കോബാര്‍ പദ്ധതിയെ പരിസ്ഥിതിയുടെ പേര് പറഞ്ഞ് അട്ടിമറിക്കാന് രാഹുല്‍ ഗാന്ധി നീങ്ങുമ്പോള്‍ സംഭവിക്കുന്നത്.
