ന്യൂദല്ഹി: ഭാരതത്തിന്റെ സ്റ്റെല്ത്ത് യുദ്ധക്കപ്പല് നിരയ്ക്ക് നാഴികക്കല്ലാവുകയാണ് നൂതന സ്റ്റെല്ത്ത് ഫ്രിഗേറ്റ് ഐഎന്എസ് മഹേന്ദ്രഗിരി. മുംബൈ ആസ്ഥാനമായുള്ള മസഗോണ് ഡോക് ഷിപ്പ് ബില്ഡേഴ്സ് നിര്മിക്കുന്ന നാലാമത് യുദ്ധക്കപ്പലാണ് ഐഎന്എസ് മഹേന്ദ്രഗിരി.
പ്രോജക്റ്റ് 17എ നീലഗിരി ക്ലാസ് കപ്പലുകള്ക്ക് കീഴിലാണ് ഇത് നിര്മിച്ചിരിക്കുന്നത്. മഹേന്ദ്രഗിരി നിര്മിച്ചതിലൂടെ യുദ്ധക്കപ്പലുകളുടെ സ്റ്റെല്ത്ത് ഫയര് പവര്, ഓട്ടോമേഷന് എന്നീ വിഭാഗങ്ങളുടെ രൂപകല്പനയില് ഭാരതം പുതുചരിത്രമെഴുതിയിരിക്കുകയാണ്. പ്രോജക്റ്റ് 17എ പ്രകാരം എംഡിഎല്ലും, ഗാര്ഡന് റീച്ച് ഷിപ്പ് ബില്ഡേഴ്സ് ആന്ഡ് എന്ജിനിയേഴ്സും ചേര്ന്ന് ആകെ ഏഴ് സ്റ്റെല്ത്ത് ഗൈഡഡ്-മിസൈല് ഫ്രിഗേറ്റുകള് നിര്മിച്ചു, അതില് ആറെണ്ണം നാവികസേനയ്ക്ക് കൈമാറി.
ഐഎന്എസ് നീലഗിരി, ഐഎന്എസ് ഹിമഗിരി, ഐഎന്എസ് ഉദയഗിരി, ഐഎന്എസ് താരഗിരി എന്നിവയാണ് ഇതുവരെ കൈമാറിയത്. എംഎഫ് സ്റ്റാര് ആക്ടീവ് ഫേസ്ഡ് അറേ റഡാര്, ബ്രഹ്മോസ് സൂപ്പര്സോണിക് ക്രൂയിസ് മിസൈലുകള്, ബാരക് 8 ലോങ് റേഞ്ച് സര്ഫസ് എയര് ടു എയര് മിസൈലുകള് തുടങ്ങിയ ആയുധനിര ഘടിപ്പിച്ചിട്ടുണ്ട്.
