കോഴിക്കോട് : മുക്കം നഗരസഭയില് വിധവാ പെന്ഷനുമായി ബന്ധപ്പെട്ട ആവശ്യത്തിന് എത്തിയ സ്ത്രീ നഗരസഭാ ജീവനക്കാരിയെ കടിച്ചു പരിക്കേല്പ്പിച്ചു. റവന്യൂ ഇന്സ്പെക്ടര് ധന്യ ജയറാമിനാണ് കടിയേറ്റത്.
പിടിച്ചുമാറ്റാന് ശ്രമിച്ച രണ്ട് വനിതാ ജീവനക്കാര്ക്കും പരിക്കേറ്റു. ധന്യയ്ക്ക് പുറമെ രേഖ, ആരിഫ എന്നീ ഉദ്യോഗസ്ഥര്ക്കാണ് പരിക്കേറ്റത്.ശനിയാഴ്ച ഉച്ചയ്ക്ക് ഒരു മണിയോടെയായിരുന്നു സംഭവം.
ഇവര് ഓഫീസിലെ ക്യാബിനില് ഇരുന്നിരുന്ന ഫയലുകളും വലിച്ചെറിഞ്ഞു. പുനര് വിവാഹിതയല്ലെന്ന രേഖ സമര്പ്പിക്കാന് ഇവരോട് ഉദ്യോഗസ്ഥര് ആവശ്യപ്പെട്ടിരുന്നു. ഇതിനിടെ സ്ത്രീ ആക്രമിച്ചെന്നാണ് ജീവനക്കാരുടെ പരാതി. ഒടുവില് പൊലീസ് എത്തിയാണ് സ്ത്രീയെ കൊണ്ടുപോയത്.
സംഭവത്തിനുശേഷം സ്ത്രീയുടെ ബന്ധുക്കളെത്തി തങ്ങളെ ഭീഷണിപ്പെടുത്തിയതായും ജീവനക്കാര് പറയുന്നു. വിധവ പെന്ഷനായി ബന്ധപ്പെട്ട വിവരങ്ങള് പുതുക്കാനായാണ് ഇവര് നഗരസഭയില് എത്തിയത്.ഇതുമായി ബന്ധപ്പെട്ട രേഖകള് പരിശോധിക്കുന്നതിനിടയിലാണ് ഇവര് പ്രകോപിതയായത്.
