മുംബൈ:”വാല്മീകി രാമായണം” എന്ന സംസ്കൃതത്തില് എഴുതപ്പെട്ട ഇതിഹാസത്തിന്റെ ഹിന്ദി സിനിമാപതിപ്പാണ് വാല്മീകി രാമായണ എന്ന പേരില് പുറത്തിറങ്ങാന് പോകുന്നത്. ഭാവ്ന തൽവാർ സംവിധാനം ചെയ്യുന്ന ഈ സിനിമ 2026 ഒക്ടോബർ 2 ന് തിയേറ്ററുകളിൽ റിലീസ് ചെയ്യാൻ ഒരുങ്ങുകയാണ്.
ഇപ്പോള് ഈ സിനിമയ്ക്ക് സംഗീതം ചെയ്യാന് ഇളയരാജ എത്തുകയാണ്. ഒരു ആത്മീയ വിന്യാസം… എന്നാണ് .’വാല്മീകി രാമായണ” സിനിമയ്ക്ക് സംഗീതം ചെയ്യാന് ഇളയരാജ എത്തിയതിനെ തരുണ് ആദര്ശ് വിശേഷിപ്പിച്ചത്. കാരണം ഭാരതീയ ആത്മീയതയുടെ മുഖ്യനൂലിഴയായ വാല്മീകി രാമായണത്തിലേക്ക് അതുപോലെ ആത്മീയ ജീവിതം നയിക്കുന്ന ഇളയരാജ സംഗീതം ചെയ്യാന് എത്തുകയാണ്. എന്ത് തരം സംഗീതമായിരിക്കും ഇളയരാജ വാല്മീകി രാമായണത്തിന് നല്കുക എന്ന ആകാംക്ഷയില് കൂടിയാണ് പ്രേക്ഷകര്.
ഇതുവരെ ഒരു പോസ്റ്റര് മാത്രമാണ് പുറത്തുവിട്ടിരിക്കുന്നക്. ശ്രീരാമ പാദങ്ങളുടെ ചിത്രമാണ് നിര്മ്മാതാക്കള് പുറത്തുവിട്ടത്. ലോകത്ത് പര്വ്വതങ്ങള് നില്ക്കുന്നിടത്തോളം നദികള് ഒഴുകുന്നിടത്തോലം രാമായണം നിലനില്ക്കുമെന്നും ഈ പോസ്റ്ററിനൊപ്പം നിര്മ്മാതാക്കള് കുറിക്കുന്നു.
പ്രശസ്ത സാങ്കേതിക വിദഗ്ധരായ ഛായാഗ്രാഹകൻ ബിനോദ് പ്രധാൻ, പ്രൊഡക്ഷൻ ഡിസൈനർ സാബു സിറിൽ എന്നിവര് ഈ പ്രൊജക്ടിന്റെ ഭാഗമാണ്. ബിനോദ് പ്രധാന് ആണ് ക്യാമറ ചലിപ്പിക്കുക. റെസൂല് പൂക്കുട്ടിയാണ് സൗണ്ട് ഡിസൈനര്. ആനന്ദ് നീലകണ്ഠനും ചന്ദ്രപ്രകാശ് ദ്വിവേദിയുമാണ് കഥ ഒരുക്കുന്നത്. വിശ്വാസവും ഭാരതീയ സംസ്കാരത്തിന്റെ മൂല്യങ്ങളും ഉയര്ത്തിപ്പിടിക്കുന്നതായിരിക്കും ഈ സിനിമ. രാമനായി രൺബീർ കപൂർ, സീതയായി സായ് പല്ലവി, രാവണനായി യാഷ്, ഹനുമാനായി സണ്ണി ഡിയോൾ, ലക്ഷ്മണനായി രവി ദുബെ എന്നിവര് വേഷമിടുന്നു. ഭാവന തല്വാര് ആണ് സംവിധാനം.
