കോട്ടയം: വിരമിച്ച ശേഷവും കാറില്‍ നക്ഷത്ര ചിഹ്നവുമായി യാത്ര ചെയ്ത മുന്‍ ഡിജിപി ടോമിന്‍ തച്ചങ്കരിക്ക് പിഴ. മോട്ടോര്‍ വാഹന വകുപ്പ് 250 രൂപയാണ് പിഴ ഇട്ടത്.
ട്രാന്‍സ്‌പോര്‍ട്ട് കമ്മീഷണറുടെ നിര്‍ദേശ പ്രകാരമാണ് മോട്ടോര്‍ വാഹന വകുപ്പ് എന്‍ഫോഴ്‌സ്‌മെന്റ് വിഭാഗത്തിന്റെ നടപടി.
സര്‍വീസില്‍നിന്ന് വിരമിച്ച് മൂന്ന് വര്‍ഷം കഴിഞ്ഞിട്ടും ടോമിന്‍ തച്ചങ്കരി തന്റെ സ്വകാര്യ വാഹനത്തില്‍ ഔദ്യോഗിക പദവി സൂചിപ്പിക്കുന്ന നക്ഷത്രങ്ങള്‍ ഉപയോഗിച്ചതാണ് വിവാദമായത്.കോട്ടയം വിജിലന്‍സ് കോടതിയില്‍ എത്തിയപ്പോഴാണ് തച്ചങ്കരിയുടെ കാറില്‍ നമ്പര്‍ പ്ലേറ്റിനോട് ചേര്‍ന്ന് നക്ഷചിഹ്നമുള്ള ബോര്‍ഡ് ശ്രദ്ധയില്‍പ്പെട്ടത്.മാധ്യമങ്ങള്‍ ചിത്രീകരിച്ചതോടെ ബോര്‍ഡ് എടുത്ത് മാറ്റി.
ഡിജിപിക്ക് ലഭിച്ച പരാതിയില്‍ കോട്ടയം എസ്പിയോട് റിപ്പോര്‍ട്ട് തേടിയിരുന്നു.തച്ചങ്കരി പിഴ ഒടുക്കി.
എന്നാല്‍ താന്‍ ത്രീ സ്റ്റാര്‍ ബോര്‍ഡ് വച്ച് യാത്ര ചെയ്തിട്ടില്ലെന്നും ബോര്‍ഡ് മറച്ച നിലയിലായിരുന്നുവെന്നുമാണ് തച്ചങ്കരിയുടെ വിശദീകരണം. ബോര്‍ഡ് അഴിച്ചുമാറ്റാതിരുന്നത് ഡ്രൈവറുടെ വീഴ്ചയാണെന്നും അദ്ദേഹം പറയുകയുണ്ടായി.
