കണ്ണൂര്:അഞ്ചരക്കണ്ടി ദന്തല് കോളജ് ബിഡിഎസ് വിദ്യാര്ഥി ആര് നിതിന് രാജിന്റെ മരണത്തില് അന്വേഷണം ക്രൈംബ്രാഞ്ചിന് വിട്ട് സംസ്ഥാന പൊലീസ് മേധാവി ഉത്തരവിറക്കി.അന്വേഷണ ഉദ്യോഗസ്ഥനെ ക്രൈം ബ്രാഞ്ച് മേധാവി തീരുമാനിക്കും
അതിനിടെ,നിതിന് രാജിന്റെ മരണത്തില് ദളിത് സംഘടനകള് നടത്തിയ ഹര്ത്താല് നേരിടുന്നതില് പൊലീസിന് വീഴ്ച പറ്റിയെന്ന് ഇന്റലിജന്സ് റിപ്പോര്ട്ട് പുറത്തുവന്നു.പ്രതിഷേധസാധ്യത മുന്നില് കണ്ട് മുന്നൊരുക്കം നടത്തിയില്ലെന്നാണ് റിപ്പോര്ട്ടില് പറയുന്നത്.
നിതിന് രാജിന് നീതി ഉറപ്പാക്കുക എന്ന ആഹ്വാനത്തില് 52 ദളിത് സംഘടനകളും ആക്ഷന് കൗണ്സിലും ചേര്ന്ന് നടത്തിയ കേരള ഹര്ത്താല് ദിവസങ്ങള്ക്ക് മുന്പ് തന്നെ പ്രഖ്യാപിച്ചിരുന്നു. എന്നാല്,ഇത് മുന്കൂട്ടി കണ്ട് പൊലീസ് മുന്നൊരുക്കങ്ങള് നടത്തിയില്ലെന്നാണ് ഇന്റലിജന്സ് റിപ്പോര്ട്ടിലുളളത്. ബസുകള് തടയുന്നതും കടകള് അടപ്പിക്കുന്നതും റോഡ് തടഞ്ഞുള്ള സമരങ്ങളും സ്പെഷ്യല് ബ്രാഞ്ച് ഉള്പ്പടെ മുന്കൂട്ടി അറിഞ്ഞു റിപ്പോര്ട്ട് ചെയ്തില്ല.ഇത് കാരണം പലയിടത്തും പ്രതിഷേധക്കാരെ നേരിടാന് സംഭവ സമയം മതിയായ പൊലീസുകാര് ഉണ്ടായിരുന്നില്ല.
ദേശീയ പാതയില് മണിക്കൂറുകള് നീണ്ട ഗതാഗത കുരുക്കുണ്ടായ തിരുവനന്തപുരം പള്ളിപ്പുറത്തു ഗുരുതര വീഴ്ചയുണ്ടായി. മെഡിക്കല് കോളേജ്, ആര്സിസിയിലേക്കുമുള്ള രോഗികള്, വിഐടി എന്ട്രന്സ് പരീക്ഷ എഴുതാന് വന്ന വിദ്യാര്ഥികള് തുടങ്ങിയവര് വഴിയില് കുടുങ്ങി. ഡി എച്ച് ആര് എം അടക്കം സംഘടനകളുടെ മുന്നൊരുക്കം റിപ്പോര്ട്ട് ചെയ്തില്ലെന്നും ഇന്റലിജന്സ് റിപ്പോര്ട്ടില് പറയുന്നു.
