കൊല്ലം: രാജ്യത്തെ ഏറ്റവും മികച്ച ജീവകാരുണ്യസ്ഥാപനമെന്ന ബഹുമതി നേടിയ പത്തനാപുരം ഗാന്ധിഭവന്റെ ഒരു വര്ഷത്തെ രജത ജൂബിലി ആഘോഷങ്ങള് ഗവര്ണര് രാജേന്ദ്ര വിശ്വനാഥ് അര്ലേക്കര് ഉദ്ഘാടനം ചെയ്തു.
കാരുണ്യസംഗമങ്ങള്, സാമൂഹിക സാംസ്കാരിക സാഹിത്യ മാനവ സംഗമങ്ങള്, വ്യവസായ പരിവേഷണ പദ്ധതികള്, സ്റ്റാര്ട്ടപ്പ് കണ്സോഷനുകള്, പ്രവാസി സംഗമങ്ങള് വിവിധ ഇടങ്ങളില് ബഹുജന പങ്കാളിത്തത്തോടെ നടപ്പിലാക്കും. പ്രകൃതി സംരക്ഷണത്തിനും, ലഹരി നിയന്ത്രണത്തിനുമായി വിദ്യാലയങ്ങളിലൂടെ നിരന്തര പ്രചാരണപരിപാടികള് സംഘടിപ്പിക്കും.
ഗാന്ധിഭവന് രക്ഷാധികാരി കെ. ധര്മ്മരാജന് അദ്ധ്യക്ഷനായി. ശിവഗിരി ശ്രീനാരായണ ധര്മ്മസംഘം ട്രസ്റ്റ് ജനറല് സെക്രട്ടറി സ്വാമി ശുഭാംഗാനന്ദ, ഗാന്ധിഭവന് മാനേജിംഗ് ട്രസ്റ്റി പുനലൂര് സോമരാജന്, മാനേജിംഗ് ഡയറക്ടര് ബി. ശശികുമാര് എന്നിവര് സംസാരിച്ചു. ചടങ്ങില് ഗാന്ധിഭവന് സുഗതകുമാരി ദേശീയ പരിസ്ഥിതി പുരസ്കാരം മുന് മിസോറാം ഗവര്ണറും പ്രമുഖ പരിസ്ഥിതി പ്രവര്ത്തകനും സുഗതവനം പദ്ധതിയുടെ ഉപജ്ഞാതാവുമായ കുമ്മനം രാജശേഖരനും, ഗാന്ധിഭവന് ഇന്റര്നാഷണല് പൊയട്രി അവാര്ഡ് ഏരീസ് ഗ്രൂപ്പ് സ്ഥാപകനും അന്തര്ദ്ദേശീയ ചലച്ചിത്രകാരനും ഗ്രന്ഥകാരനുമായ സോഹന് റോയിക്കും ഗവര്ണര് സമ്മാനിച്ചു. 25000 രൂപ വീതവും ശില്പവുമടങ്ങുന്നതായിരുന്നു അവാര്ഡുകള്.
