ന്യൂദല്ഹി: ആം ആദ്മിയില് നിന്നും ബിജെപിയില് എത്തിയ രാഘവ് ഛദ്ദയെ മോദി കേന്ദ്രമന്ത്രിയാക്കാന് സാധ്യതയുണ്ടെ്ന അഭ്യൂഹം ശക്തമാകുന്നു. ദല്ഹിയിലെ ചില മാധ്യമനിരീക്ഷകരാണ് ഈ വാര്ത്ത പങ്കുവെയ്ക്കുന്നത്. പഞ്ചാബിലെ നിയമസഭാ തെരഞ്ഞെടുപ്പിന് മുന്നോടിയായി രാഘവ് ഛദ്ദയ്ക്ക് മന്ത്രിസ്ഥാനം വഴി ഒരു തിളക്കമാര്ന്ന വ്യക്തിപ്രഭാവം സ്ഥാപിക്കാനും കഴിയുമെന്ന് കരുതുന്നു.
രാജ്യസഭയില് സംസാരിക്കാന് പോലും അവസരം നല്കാതെ അരവിന്ദ് കെജ്രിവാള് ഒതുക്കാന് ശ്രമിച്ച ഒരു നേതാവിന് മന്ത്രിസ്ഥാനം നല്കി തിരിച്ചുകൊണ്ടുവന്നാല് അത് ബിജെപിയ്ക്ക് വലിയ മുതല്ക്കൂട്ടാകുമെന്നാണ് കണക്കുകൂട്ടുന്നത്.
മാത്രമല്ല, രാഹുല് ഗാന്ധിയെ പാര്ലമെന്റില് ഒരു മന്ത്രിയെന്ന നിലയില് ശക്തമായി നേരിടാന് രാഘവ് ഛദ്ദയ്ക്കാവുമെന്നും പ്രതീക്ഷിക്കുന്നു.
