ന്യൂദല്ഹി :ശബരിമല യുവതീ പ്രവേശന കേസില് യുവതീ പ്രവേശനം എതിര്ക്കുന്നവരുടെ വാദം സുപ്രീം കോടതിയില് പൂര്ത്തിയായി. ബുധനാഴ്ച മുതല് യുവതി പ്രവേശം അനൂകൂലിക്കുന്നവരുടെ വാദം നടക്കും. അനൂകൂലിക്കുന്നവരുടെ വാദം പൂര്ത്തിയായ ശേഷം സര്ക്കാര് വാദം തുടങ്ങും.
അതേസമയം, മതാചാരങ്ങള് ഏതെന്നോ എന്തെന്നോ കോടതികളോ സര്ക്കാരുകളോ അല്ല തീരുമാനിക്കേണ്ടത് എന്ന് ജസ്റ്റിസ് നാഗരത്ന നീരീക്ഷിച്ചു. മതങ്ങള്ക്ക് ഈക്കാര്യത്തില് സ്വാതന്ത്ര്യം ഉണ്ട് എന്ന നീരിക്ഷണവും നടത്തി.
ഇന്നത്തെ വാദത്തിനിടെ കേരള ബ്രഹ്മണഫെഡറേഷന് സംസ്ഥാന സര്ക്കാരിനെതിരായി വാദം നടത്തി. ക്ഷേത്രത്തെ നിയന്ത്രിക്കാവുന്ന അധികാരസ്ഥാനങ്ങളില് ഉള്ളവര് അവിടെ എത്തുമ്പോള് ആരാധനക്രമം പാലിക്കണം എന്നാണ് വാദം.
