ശൃംഗാരം, വിവാഹം, മൈഥുനം, വാഹനം, വസ്ത്രാഭരണാദി അലങ്കാരങ്ങള്, സുഗന്ധദ്രവ്യങ്ങള്, സുകുമാരകലകള് തുടങ്ങിയവയുടെയൊക്കെ കാരകത്വം ശുക്രനാണ്. വെള്ളിയാഴ്ചയും സ്വക്ഷേത്രങ്ങളായ ഇടവം, തുലാം രാശികളില്
നില്ക്കുമ്പോഴും ചന്ദ്രനോടു ചേര്ന്നു നില്ക്കുമ്പോഴും വക്രഗതിയിലായിരിക്കുമ്പോഴും സൂര്യനുമുന്നില് നില്ക്കുമ്പോഴും 3, 4, 6,12 ഭാവങ്ങളില് നില്ക്കുമ്പോഴും ശുക്രന് ബലവാനും ശുഭഫലപ്രദനുമായിരിക്കും. സൂര്യനോട് അടുത്തുവന്ന് മൗഢ്യം പ്രാപിച്ചാലും ശുക്രന് ഫലദാനശേഷി നശിക്കില്ല എന്ന പ്രത്യേകതയുമുണ്ട്.മേടത്തിലോ, വൃശ്ചികത്തിലോ ആണ് ശുക്രന് നില്ക്കുന്നതെങ്കില് ജാതകന് സ്ത്രീവിഷയത്തില് ധാരാളം പണം ചെലവഴിക്കുന്നവനായിരിക്കും.
സ്ത്രീജാതകത്തിലാണ് ശുക്രന് ഈ രാശികളില്
നില്ക്കുന്നതെങ്കില് ആ ജാതകയുടെ ഭര്ത്താവിനായിരിക്കും ഈ ഫലം അനുഭവപ്പെടുക. സ്വക്ഷേത്രമായ ഇടവത്തിലോ തുലാത്തിലോ ആണ് ശുക്രനെങ്കില് ജാതകന് സ്വപ്രയത്നം കൊണ്ടു ധനവാനായിത്തീരും. സംഗീതവാസനയുള്ളവനും ഉത്തമയായ ഭാര്യയുള്ളവനും ജനാംഗീകാരം നേടുന്നവനുമായിരിക്കും. ശുക്രന് നില്ക്കുന്നത് കര്ക്കടകത്തിലാണെങ്കില് ജാതകന് ദ്വിഭാര്യായോഗമുണ്ടെന്നറിയണം. സൂര്യക്ഷേത്രമായ ചിങ്ങത്തിലാണ് ശുക്രനെങ്കില് നല്ല സ്ത്രീധനം ലഭിക്കുന്നവനാവും. ഭാര്യ ഉത്തമകുടുംബിനിയായിരിക്കും. ശുക്രന് നില്ക്കുന്നത് വ്യാഴക്ഷേത്രമായ ധനുവിലോ മീനത്തിലോ ആണെങ്കില് ധനവാനായും സുഖിമാനായും ഭവിക്കും. വ്യാഴക്ഷേത്രത്തില് ശുക്രന് നില്ക്കുന്നവര് സജ്ജനങ്ങളാല് ബഹുമാനിക്കപ്പെടും. ബുധക്ഷേത്രമായ മിഥുനത്തിലാണ് ശുക്രനെങ്കില് ജാതകന് കലാകാരനായും ധനവാനായും ഭരണനിപുണനായും ഭവിക്കും. ബുധക്ഷേത്രമായ കന്നി ശുക്രന്റെ നീചരാശിയാണ്. ശുക്രന് നീചരാശിയിലാണെങ്കില് ജാതകന് നിന്ദ്യമായ പ്രവൃത്തികള് ചെയ്യാന് മടിയില്ലാത്തവനും അന്യരുടെ പരിഹാസത്തിന് പാത്രീഭവിക്കുന്നവനുമാകും. ധനപരമായ ക്ളേശങ്ങളും അനുഭവപ്പെടാം. ശത്രുക്ഷേത്രത്തില് (വ്യാഴക്ഷേത്രമായ മീനത്തില്) ഉച്ചബലം സിദ്ധിക്കുന്നു എന്നതും ശുക്രന്റെ പ്രത്യേക
തയാണ്.
ജന്മഭൂമി ഓണ്ലൈന്