അമേരിക്കയിലെ 11 കളിത്തട്ടുകള്‍ ഇത്തവണത്തെ ലോക ഫുട്‌ബോള്‍ യുദ്ധത്തിനായി തെരഞ്ഞെടുത്തപ്പോള്‍ 1994ലെ ഒരേയൊരു സ്റ്റേഡിയം മാത്രമാണ് ഉള്‍പ്പെടുത്തിയത്. ബോസ്റ്റണിലെ ഗില്ലറ്റ് സ്റ്റേഡിയം. അതിനേ കുറിച്ചുള്ള വിവരണങ്ങളിലേക്ക് കടക്കും മുമ്പ് 1994 ലോകകപ്പ് നടന്ന ലോസ് ആഞ്ചലസില്‍ നിന്നുള്ള മറ്റൊരു സ്‌റ്റേഡിയത്തെ കുറിച്ചാണ് ഇന്നത്തെ വിവരണം. സോഫി സ്റ്റേഡിയം. കാലി ഫോര്‍ണിയയിലെ ഇംഗിള്‍വുഡിലാണ് 70,000 പേരെ വരെ ഉള്‍ക്കൊള്ളാന്‍ ശേഷിയുള്ള ഈ സ്റ്റേഡിയം. പല വമ്പന്‍ പോരാട്ടങ്ങളും കണ്ടിട്ടുള്ള വേദിയാണിത്. ക്ലബ്ബ് ഫുട്‌ബോലിലെ സൗഹൃദ മത്സരങ്ങളാണ് കൂടുതല്‍ ശ്രദ്ധേയമായിട്ടുള്ളത്. 2023ല്‍ ആഴ്‌സണല്‍ ബാഴ്‌സയെ 5-3ന് തകര്‍ത്തത് ഈ വേദിയിലായിരുന്നു. 2024 കോപ്പ അമേരിക്കയിലെ മത്സരങ്ങളും ഇവിടെ നടന്നിട്ടുണ്ട്. ഇത്തവണത്തെ ലോകകപ്പിലെ ഒരു ക്വാര്‍ട്ടര്‍ പോരാട്ടവും രണ്ട് റൗണ്ട് ഓഫ് 32 മത്സരവും അടക്കം എട്ട് മത്സരങ്ങളാണ് ഇവിടെ നിശ്ചയിച്ചിട്ടുള്ളത്.
ഹാര്‍ഡ് റോക്ക് സ്റ്റേഡിയം ഫുട്‌ബോളിന്റെ വിവിധ തരം മത്സരങ്ങള്‍ക്ക് വേദിയാക്കിയിട്ടുണ്ട്. കൂടാതെ ബേസ് ബോളുകള്‍ സംഘടിപ്പിക്കപ്പെട്ട ചരിത്രവും ഈ വേദിക്ക് പറയാനുണ്ട്. 1997, 2003 വര്‍ഷങ്ങളിലെ ബേസ്‌ബോള്‍ വേള്‍ഡ് സീരീസിന് വേദിയായിട്ടുണ്ട്. ഈ രണ്ട് കായിക ഇനങ്ങള്‍ക്കും പുറമേ എന്റര്‍ടെയ്ന്‍മെന്റ് വിഭാഗത്തില്‍ പെടുത്താവുന്ന ഡബ്ല്യുഡബ്ല്യുഇയിലെ പ്രധാനപ്പെട്ട ഇവന്റുകള്‍ക്കും ഈ സ്റ്റേഡിയം വേദിയായിട്ടുണ്ട്. വിനോദങ്ങള്‍ക്ക് പുറമെ ലോക പ്രശസ്തരായ നിരവധി പ്രതിഭകളുടെ സംഗീത വിരുന്നുകളും ഇവിടെ സംഘടിപ്പിക്കപ്പെട്ടിട്ടുണ്ട്. ഏറ്റവും ഒടുവില്‍ ഇവിടെ നടന്ന പ്രധാന ടൂര്‍ണമെന്റ് 2024ലെ കോപ്പ അമേരിക്ക ഫുട്‌ബോളിലെ ചില മത്സരങ്ങളാണ്. കഴിഞ്ഞ വര്‍ഷത്തെ ക്ലബ്ബ് ലോകകപ്പിലെ രണ്ട് പ്രീക്വാര്‍ട്ടറുകളടക്കം എട്ട് മത്സരങ്ങള്‍ക്കും ഹാര്‍ഡ് റോക്ക് വേദിയായിട്ടുണ്ട്. ഇത്തവണത്തെ ലോകകപ്പ് മത്സരങ്ങള്‍ പുരോഗമിക്കുമ്പോള്‍ സെമിയില്‍ പുറത്താകുന്ന ടീമുകള്‍ക്കായുള്ള ലൂസേഴ്‌സ് ഫൈനലിന് വേദിയാകുക ഹാര്‍ഡ് റോക്ക് സ്റ്റേഡിയം ആയിരിക്കും.
സൊഫി സ്റ്റേഡിയത്തിലെ മത്സരങ്ങള്‍
ജൂണ്‍ 12: അമേരിക്ക-പാരഗ്വേ(ഗ്രൂപ്പ് ഡി)
ജൂണ്‍ 15: ഇറാന്‍-ന്യൂസിലന്‍ഡ്(ഗ്രൂപ്പ് ജി)
ജൂണ്‍ 18: സ്വിറ്റ്‌സര്‍ലന്‍ഡ്-ബോസ്‌നിയ(ഗ്രൂപ്പ് ബി)
ജൂണ്‍ 21: ബെല്‍ജിയം-ഇറാന്‍(ഗ്രൂപ്പ് ജി)
ജൂണ്‍ 25: തുര്‍ക്കി-അമേരിക്ക(ഗ്രൂപ്പ് ഡി)
ജൂണ്‍ 28: റൗണ്ട് ഓഫ് 32
ജൂലൈ 2: റൗണ്ട് ഓഫ് 32
ജൂലൈ 10: ക്വാര്‍ട്ടര്‍ ഫൈനല്‍
ഹാര്‍ഡ് റോക്കിലെ മത്സരങ്ങള്‍
ജൂണ്‍ 15: സൗദി അറേബ്യ-ഉറുഗ്വേ(ഗ്രൂ്പ്പ് എച്ച്)
ജൂണ്‍ 21: ഉറുഗ്വേ-കേപ് വെര്‍ദെ(ഗ്രൂപ്പ് എച്ച്)
ജൂണ്‍ 24: സ്‌കോട്ട്‌ലന്‍ഡ്-ബ്രസീല്‍(ഗ്രൂപ്പ് സി)
ജൂണ്‍ 27: കൊളംബിയ-പോര്‍ച്ചുഗല്‍(ഗ്രൂപ്പ് കെ)
ജൂലൈ 3: റൗണ്ട് ഓഫ് 32
ജൂലൈ 11: ക്വാര്‍ട്ടര്‍ ഫൈനല്‍
ജൂലൈ 18: ലൂസേഴ്‌സ് ഫൈനല്‍
