നാസിക് : മുന്കൂര് ജാമ്യാപേക്ഷ തള്ളിയിട്ടും നാസിക് ടിസിഎസില് ഹിന്ദു പെണ്കുട്ടികളെ മതപരിവര്ത്തനം നടത്താന് ചുക്കാന് പിടിച്ച നിദാ ഖാനെ ഇനിയും ഒളിവില് കഴിയാന് നിര്ബന്ധിക്കുന്നതാരെന്ന ചോദ്യം ഉയരുന്നു. ഇതോെട ഹിന്ദു പെണ്കുട്ടികളെ ബീഫ് തീറ്റിച്ച, മതം മാറ്റിയ, ലൈംഗിക ചൂഷണത്തിന് വഴിയൊരുക്കിയ നിദാ ഖാന് വലിയൊരു ശൃംഖലയിലെ കണ്ണിയാണെന്നാണ് തെളിയുന്നത്.
കഴിഞ്ഞ ദിവസമാണ് നിദാ ഖാന്റെ മുന്കൂര് ജാമ്യാപേക്ഷ തള്ളിയത്. ഇതോടെ പൊലീസില് കീഴടങ്ങുമെന്ന് കരുതിയവര്ക്ക് തെറ്റി. അവര് വീണ്ടും ഒളിവില് കഴിയുന്നത് തുടരുകയായിരുന്നു. ഇതിനര്ത്ഥം നിദാ ഖാന് പിന്നാലെ വലിയൊരു ശക്തി ഉണ്ടെന്ന് തന്നെയാണ്. ഇനി ഇവരുടെ കേസ് 27ാം തിയതി വീണ്ടും വാദം കേള്ക്കാന് ഇരിക്കുകയാണ്.
മലേഷ്യയിലെ മതപ്രഭാഷകനായ ഇമ്രാന് മിക്കവാറും അവിടെ കഴിയുന്ന സക്കീര് നായിക്കുമായി ബന്ധമുണ്ടാകാമെന്നും നിദാ ഖാനെ ഒളിപ്പിച്ചിരിക്കുക സക്കീര് നായിക്കിന്റെ അറിവോടെയായിരിക്കാമെന്നും ചിലര് ചൂണ്ടിക്കാട്ടുന്നു. അതേ സമയം നിദാ ഖാന് മുംബൈയിലെ വീട്ടിലുണ്ടെന്ന് വീട്ടുകാരുടെ ഒരു പ്രസ്താവനയും സമൂഹമാധ്യമങ്ങളിലൂടെ പ്രചരിക്കുന്നു. ഇനി നിദാ ഖാന് ഇന്ത്യ വിട്ടോ എന്ന സംശയവും മറ്റ് ചിലര് ഉയര്ത്തുന്നു.
എന്തായാലും നിദാ ഖാന് ഒരു ചെറിയ മിനല്ലെന്നും ഇസ്ലാമിലേക്കുള്ള മതപരിവര്ത്തനത്തിന് നാസിക്കിലെ ടിസിഎസില് നേതൃത്വം നല്കിയ ഈ യുവതി വലിയ ഇസ്ലാമിക ശൃംഖലയുടെ വലിയ കണ്ണിതന്നെയായിരിക്കാണെന്ന് വിലയിരുത്തപ്പെടുന്നു. നിദാ ഖാനെ ചോദ്യം ചെയ്താല് ഇതിന് പിന്നിലെ മതപരിവര്ത്തനലോബികളെക്കുറിച്ച് കൂടുതല് വിവരം ചോര്ന്നേക്കുമെന്ന് ഭയന്ന് ആ ലോബി തന്നെ ഇവരെ ഒളിപ്പിച്ചിരിക്കുകയാണെന്നും ആരോപണമുണ്ട്.
