കാലടി: ഹൈന്ദവ നവോത്ഥാനത്തിന്റെ ശംഖനാദം മുഴക്കി കാലടിയില്‍ മഹാ പരിക്രമ. കാഞ്ചി കാമകോടി പീഠത്തിന്റെ ആദിശങ്കര കീര്‍ത്തി സ്തംഭ മണ്ഡപത്തില്‍ നിന്നാരംഭിച്ച പരിക്രമയില്‍ ആയിരങ്ങള്‍ അണിനിരന്നു. ആദിശങ്കര ജന്മദേശ വികസന സമിതിയുടെ ആഭിമുഖ്യത്തില്‍ കാലടിയില്‍ നടക്കുന്ന ശ്രീശങ്കര ജയന്തി ആഘോഷങ്ങളുടെ ഭാഗമായിരുന്നു മഹാപരിക്രമ.
ആയിരങ്ങള്‍ പങ്കെടുത്ത മഹാപരിക്രമയ്‌ക്ക് മഹാമണ്ഡലേശ്വര്‍ സ്വാമി ആനന്ദവനം ഭാരതി, ശ്രീരാമദാസ മിഷന്‍ അധ്യക്ഷന്‍ സ്വാമി ശക്തി ശാന്താനന്ദ മഹര്‍ഷി, വാഴൂര്‍ തീര്‍ത്ഥപാദര്‍ ആശ്രമം അധ്യക്ഷന്‍ സ്വാമി പ്രജ്ഞാനന്ദ തീര്‍ത്ഥ പാദര്‍, പാലക്കാട് ദയാനന്ദാശ്രമം സ്വാമി കൃഷ്ണാത്മാനന്ദ സരസ്വതി, സ്വാമി ശ്രീനാരായണ തീര്‍ത്ഥ (ശിവഗിരി മഠം), വേദാമൃതാനന്ദപുരി (അമൃതാനന്ദമയീ മഠം), ദര്‍ശനാനന്ദ സരസ്വതി (വേദര്‍ഷി ആശ്രമം പൂഞ്ഞാര്‍), സത്യപ്രിയാനന്ദ സരസ്വതി (ശിവാനന്ദാശ്രമം പാലക്കാട്), സ്വാമി അയ്യപ്പദാസ് (തത്ത്വമസി ആശ്രമം തൊടുപുഴ), കൃഷ്ണമയാനന്ദ തീര്‍ത്ഥപാദര്‍ (പന്മന ആശ്രമം), സ്വാമി നന്ദാത്മജാനന്ദ (ശ്രീ രാമകൃഷ്ണ മിഷന്‍ തൃശൂര്‍), മാര്‍ഗദര്‍ശക മണ്ഡലം ജനറല്‍ സെക്രട്ടറി സ്വാമി സത്‌സ്വരൂപാനന്ദ, സ്വാമി സത്യാനന്ദപുരി (അദ്വൈതാശ്രമം കോഴിക്കോട്), കൊച്ചിന്‍ ഷിപ്‌യാര്‍ഡ് മുന്‍ സിഎംഡി മധു എസ്. നായര്‍, പദ്മശ്രീ ആചാര്യ കുഞ്ഞോല്‍ മാഷ്, ആര്‍എസ്എസ് കാര്യകാരി സദസ്യന്‍ എ.ആര്‍. മോഹനന്‍, ആര്‍എസ്എസ് ഉത്തര കേരളം പ്രാന്ത കാര്യവാഹ് പി.എന്‍. ഈശ്വരന്‍, വിശ്വഹിന്ദു പരിഷത്ത് ദേശീയ സഹസംഘടനാ സെക്രട്ടറി സ്ഥാണുമാലയന്‍, ആര്‍എസ്എസ് പ്രാന്ത പ്രചാര്‍ പ്രമുഖ് എം. ഗണേഷ്, ഹിന്ദു ഐക്യവേദി സംസ്ഥാന പ്രസിഡന്റ് ആര്‍.വി. ബാബു, വി.കെ. വിശ്വനാഥന്‍, റിട്ട. ജില്ലാ ജഡ്ജി അഡ്വ. സുന്ദരം ഗോവിന്ദ്, കെ.വി. ശിവന്‍, പി. മോഹന്‍ദാസ്, പ്രൊഫ. കെ.എസ്.ആര്‍. പണിക്കര്‍, കെ.വി. സഞ്ജീവ് എന്നിവര്‍ നേതൃത്വം നല്‍കി.
ശ്രീരാമകൃഷ്ണ അദ്വൈത ആശ്രമം, ശൃംഗേരി മഠം, ശ്രീകൃഷ്ണസ്വാമി ക്ഷേത്രം എന്നിവ സന്ദര്‍ശിച്ച് മഹാപരിക്രമ മുതലക്കടവില്‍ സമാപിച്ചു. തുടര്‍ന്ന് കേരളക്ഷേത്ര സംരക്ഷണ സമിതി സംസ്ഥാന അധ്യക്ഷന്‍ മുല്ലപ്പിള്ളി കൃഷ്ണന്‍ നമ്പൂതിരിയുടെ മുഖ്യകാര്‍മികത്വത്തില്‍ പൂര്‍ണാനദി പൂജയും മുതലക്കടവ് സ്നാനവും നടന്നു.
