കോട്ടയം ; മഹാവിഷ്ണു ക്ഷേത്രത്തിൽ ക്രിസ്തീയ ഭക്തിഗാനം ആലപിച്ച് നന്ദഗോവിന്ദം ഭജൻസ് . കോട്ടയം വേമ്പിൻകുളങ്ങര ശ്രീ മഹാവിഷ്ണു ക്ഷേത്രത്തിൽ ഭജന അവതരിപ്പിക്കുന്നതിനിടെയാണ് ‘ഈ പരദേവനഹോ’ എന്ന ക്രിസ്തീയ ഭക്തിഗാനം ഇവർ ആലപിച്ചത്. ഇതിന്റെ വിഡിയോ സമൂഹമാധ്യമങ്ങളിൽ വൈറലായി കഴിഞ്ഞു.
ക്ഷേത്രങ്ങളിൽ ഭക്തിസാന്ദ്രമായ അന്തരീക്ഷത്തിൽ ക്രിസ്തീയ ഗാനം ആലപിച്ചതിനെതിരെ സോഷ്യൽ മീഡിയയിൽ വിമർശനങ്ങൾ ഉയർന്നു കഴിഞ്ഞു. കഴിഞ്ഞ കുറച്ച് ദിവസങ്ങളായി ഹിന്ദുമതവിശ്വാസങ്ങൾക്കെതിരെ സംഘടിത ഗൂഢാലോചനകൾ നടക്കുന്നതായി ആരോപണങ്ങൾ ഉയർന്നിരുന്നു. മന്തിക്കടകൾ ശ്രീകൃഷ്ണനെ അവഹേളിക്കും വിധത്തിൽ വിഷു ആശംസ പോസ്റ്റർ ഇറക്കിയത് വിവാദമായിരുന്നു.
അതിനു പിന്നാലെയാണ് ക്ഷേത്രത്തിൽ ക്രിസ്തീയഗാനം ആലപിച്ചതും വിവാദമാകുന്നത്.
