തിരുവനന്തപുരം:പൊലീസുകാരനെന്ന് പറഞ്ഞ് തിരുത്തിയ ലോട്ടറി ടിക്കറ്റ് നല്കി വില്പ്പനക്കാരെ കബളിപ്പിച്ച് പണം തട്ടിയ ആള്ക്കായി അന്വേഷണം.കല്ലമ്പലത്തും പോങ്ങനാടുമാണ് ലോട്ടറി തട്ടിപ്പ് നടന്നെന്ന് പരാതി ഉയര്ന്നത്. കല്ലമ്പലം സ്വദേശികളായ ദിലീപ്, അനിലാല് എന്നിവരാണ് തട്ടിപ്പിനിരയായത്. ഇവരില് നിന്ന് 5000 രൂപ വീതമാണ് തട്ടിയത്.
സാന്ട്രോ കാറില് പൊലീസ് എന്ന വ്യാജേനയെത്തിയ ഒരാളാണ് ലോട്ടറി അടിച്ചു എന്നു പറഞ്ഞ് തിരുത്തല് വരുത്തിയ ടിക്കറ്റ് നല്കി പണം വാങ്ങിയതെന്ന് ഇരുവരും അറിയിച്ചു.
മണിക്കൂറുകളുടെ വ്യത്യാസത്തിലാണ് രണ്ടിടങ്ങളിലും വ്യാജ ടിക്കറ്റ് നല്കി പണം തട്ടിയത്.രണ്ട് പേരില് നിന്നും പണം തട്ടിയത് ഒരാളാണെന്നാണ് കരുതുന്നത്. അനിലാല് കല്ലമ്പലം പൊലീസിലും ദിലീപ് കിളിമാനൂര് സ്റ്റേഷനിലും പരാതി നല്കി. 5000 രൂപ അടിച്ച ടിക്കറ്റ് കാട്ടി പകുതി തുകയും പകുതി തുകയ്ക്ക് ലോട്ടറി ടിക്കറ്റുകളും വാങ്ങിയാണ് രണ്ട് സംഭവങ്ങളിലും പ്രതി മുങ്ങിയത്.
പ്രതിയെ കണ്ടെത്താന് പൊലീസ് അന്വേഷണം തുടങ്ങി.
