കോട്ടയം: വയനാട് ടൗണ്ഷിപ്പിലെ ഗുണഭോക്താക്കള്ക്ക് കൈമാറാനിരിക്കുന്ന വീട്ടിലെ വിള്ളല് പരിശോധിച്ച മന്ത്രി കെ.രാജനെ പരിഹസിച്ച് ചാണ്ടി ഉമ്മന് എംഎല്എ. മന്ത്രിയുടെ രൂപത്തില് തൃശൂരുകാരനായ പണിക്കാരനെ കിട്ടി. വിള്ളല് ഇല്ലാതെ വീട് പണിയാന് പറ്റിയ ആളെ തൃശൂരില് നിന്ന് തന്നെ കിട്ടിയതില് സന്തോഷമെന്ന് ചാണ്ടി ഉമ്മന് പറഞ്ഞു.
ഊരാളുങ്കലും മന്ത്രിയും തമ്മിലുള്ള ഒത്തുകളിയാണ് കഴിഞ്ഞ ദിവസം കണ്ടത്. വീടിന് വിള്ളലുണ്ടെന്ന് വീട്ടുടമ പറയുന്നു. വീട്ടുകാരനെതിരെ സൈബര് ആക്രമണം നടത്തിയിട്ടും ഭീഷണിപ്പെടുത്തിയിട്ടും കാര്യമില്ല. യുഡിഎഫ് സര്ക്കാര് വന്നാല് ഇക്കാര്യത്തില് സമഗ്രമായി അന്വേഷണം നടത്തുമെന്ന് ചാണ്ടി ഉമ്മന് പറഞ്ഞു.
ഉമ്മന്ചാണ്ടിക്ക് ശേഷം കേരളത്തില് ഒരു കോണ്ഗ്രസ് മുഖ്യമന്ത്രി ഉണ്ടാകാന് പോകുന്നു.രാഹുല് ഗാന്ധി പറയുന്ന ആള് മുഖ്യമന്ത്രിയാകും.മന്ത്രി കെ. രാജന്റെ വിള്ളല് പരിശോധന നാടകമാണെന്ന് പ്രതിപക്ഷ നേതാവ് വി.ഡി.സതീശനും ആരോപിച്ചു.
