സുഹാസിനി മണിരത്‌നം കേന്ദ്ര കഥാപാത്രത്തെ അവതരിപ്പിക്കുന്ന അഞ്ചാം പ്രമാണം എന്ന ചിത്രത്തിന്റെ ചിത്രീകരണം കൊടുങ്ങല്ലൂര്‍ പൊയ്യയില്‍ ആരംഭിച്ചു. സുഹാസിനി ഭദ്രദീപം തെളിയിച്ചു കൊണ്ടാണ് ചിത്രീകരണത്തിന് ആരംഭം കുറിച്ചത്. ഫാദര്‍ സജി ജോര്‍ജ് വട്ടക്കുഴിയാണ് സ്വിച്ച് ഓണ്‍ കര്‍മ്മം നിര്‍വഹിച്ചത്. സുഹാസിനി ഫസ്റ്റ് ക്ലാപ്പും നല്‍കി. ജയദേവ് ഈ ചിത്രം സംവിധാനം ചെയ്യുന്നു. ദേശീയ പുരസ്‌കാര ജേതാവ് മിറിയം ചാണ്ടിയാണ് സഹ സംവിധായക. റൂബി എന്‍ഡവര്‍ ആണ് ചിത്രത്തിന്റെ നിര്‍മ്മാതാക്കള്‍.
രഞ്ജി പണിക്കര്‍, നിമിഷ ഡീന്‍, ഷെബിന്‍ ബെന്‍സണ്‍ , വിനയ് മേനോന്‍, അഖില നാഥ് എന്നിവരും പ്രധാന വേഷങ്ങളില്‍ എത്തുന്നു. ഷൈനി ആന്റണിയാണ് ഈ ചിത്രത്തിന്റെ കഥയും തിരക്കഥയും രചിച്ചിരിക്കുന്നത്. കൊടുങ്ങല്ലൂരും തൊടുപുഴയിലുമായി ചിത്രത്തിന്റെ ചിത്രീകരണം പൂര്‍ത്തിയാകും.
സംഗീതം- സൂരജ് എസ് കുറുപ്പ്, ഛായഗ്രഹണം- സിന്റോ പൊടുത്താസ്, എഡിറ്റിംഗ്- ബീന പോള്‍, കലാസംവിധാനം- അപ്പുണ്ണി സാജന്‍, മേക്കപ്പ്- വിന്‍സി പൈ കോസ്റ്റും ഡിസൈന്‍- മഞ്ജുഷ രാധാകൃഷ്ണന്‍, സ്റ്റില്‍സ്- അജി മസ്‌കറ്റ്, ഫിനാന്‍സ് കണ്‍ട്രോള്‍- അനില്‍ ആമ്പല്ലൂര്‍, ചീഫ് അസോസിയേറ്റ് ഡയറക്ടര്‍- ആദര്‍ശ് ജി നായര്‍, പ്രൊഡക്ഷന്‍ മാനേജര്‍- ജെറി വിന്‍സന്റ്, പ്രൊഡക്ഷന്‍ എക്‌സിക്യൂട്ടീവ്- അസ്മീര്‍ നേമം, പ്രൊഡക്ഷന്‍ കണ്‍ട്രോളര്‍- രാജേഷ് മേനോന്‍.
ബോളിവുഡില്‍ നിന്നും നിമിഷ ഡീന്‍ എന്ന നടിയും പ്രധാനമായ ഒരു കഥാപാത്രത്തെ അവതരിപ്പിക്കുന്നു. കൊ-ഡയറക്ടര്‍ മിറിയീ ചാണ്ടി 2024 ലെ നോണ്‍ ഫീച്ചര്‍ വിഭാഗത്തില്‍ മികച്ച സംവിധായിക ക്കുള്ള ദേശീയ പുരസ്‌കാരം നേടിയിട്ടുള്ളതാണ്. എഡിറ്റര്‍ ബീന പോളും നിരവധി പുരസ്‌കാരങ്ങള്‍ നേടിയിട്ടുണ്ട്. നിരവധി പുരസ്‌കാര ജേതാക്കളുടെ സംഗമം കൂടിയാണ് സ്ത്രീപക്ഷ സിനിമയായ അഞ്ചാം പ്രമാണം.
