പത്തനംതിട്ട: പുനലൂര് – മൂവാറ്റുപുഴ സംസ്ഥാന പാതയില് കുമ്പഴ ജംഗ്ഷനു സമീപം ലോറിയും ഓട്ടോറിക്ഷയും കൂട്ടിയിടിച്ച് രണ്ട് മരണം.ഓട്ടോറിക്ഷയില് സഞ്ചരിച്ച ബന്ധുക്കളായ വടശേരിക്കര വള്ളിപറമ്പില് ഫിലിപ്പ് ഡാനിയേല് (സണ്ണി – 64), സഹോദരന് വര്ഗീസ് വി. ഡാനിയലിന്റെ (സജി) ഭാര്യ ലിന്സി ജോര്ജ് (64) എന്നിവരാണ് മരിച്ചത്.
പുനലൂര് – മൂവാറ്റുപുഴ സംസ്ഥാന പാതയില് കഴിഞ്ഞ ദിവസം ഉച്ചയ്ക്കാണ് അപകടം. അഞ്ചലില് ഫിലിപ്പിന്റെ സഹോദരിയുടെ മകളുടെ വിവാഹ ചടങ്ങില്പങ്കെടുത്ത് മടങ്ങി വരികയായിരുന്നു ഇവര്.ഫിലിപ്പിന്റെ ഓട്ടോറിക്ഷയിലാണ് ഇവര് യാത്ര ചെയ്തത്. എതിര്ദിശയില്നിന്ന് വന്ന തമിഴ്നാട് രജിസ്ട്രേഷന് ലോറിയുമായി കൂട്ടിയിടിക്കുകയായിരുന്നു.
മൃതദേഹം മോര്ച്ചറിയില്. സംസ്കാരം പിന്നീട്. ഫിലിപ്പ് ഡാനിയലിന്റെ ഭാര്യ: എല്സി ഫിലിപ്പ്. മക്കള്: ജിന്സി ഫിലിപ്പ് (സൗദി), ടിന്സി ഫിലിപ്പ് (കുവൈറ്റ്). മരുമക്കള്: ടോണി, ഷോജി. ലിന്സിയുടെ മകള്: ലിജി വര്ഗീസ്, മരുമകന്: എബി.
