കോഴിക്കോട്: ചേർത്തലയിലെ മെഹർ ഹോട്ടൽ ആൻഡ് ഗ്രിൽസ് പുറത്തിറക്കിയ വിഷു ആശംസാ പോസ്റ്ററിൽ ഭാരതത്തിലെ ഹിന്ദുക്കളുടെയും ഹൃദയവികാരമായ ശ്രീകൃഷ്ണനെ അവഹേളിക്കുകയും അപമാനിക്കുകയും ചെയ്തതിൽ ശക്തമായ പ്രതിഷേധവുമായി കേരള ക്ഷേത്ര സംരക്ഷണ സമിതി.
ഭാരതത്തിലെ കുഞ്ഞുങ്ങളുടെ പ്രതീകമായ നവനീത കൃഷ്ണനെ കുഴിമന്തി തിന്നുന്ന മാംസാഹാരം ഭക്ഷിക്കുന്ന രീതിയിൽ ചിത്രീകരിച്ചത് തികഞ്ഞ ദൈവനിന്ദയും അവഹേളനവും ആണെന്ന് ക്ഷേത്ര സംരക്ഷണ സമിതി സംസ്ഥാന പ്രസിഡൻറ് മുല്ലപ്പള്ളി കൃഷ്ണൻ നമ്പൂതിരിയും ജനറൽ സെക്രട്ടറി കെ എസ് നാരായണനും പുറപ്പെടുവിച്ച പ്രസ്താവനയിൽ കുറ്റപ്പെടുത്തി.
ജിഹാദി ഭീകരവാദികളുടെ ഹൈന്ദവ ധർമ്മനിയുടെ ഭാഗമായി മാത്രമേ ഇതിനെ കാണാൻ കഴിയുകയുള്ളൂ. ഏതെങ്കിലും കലാകാരന്മാർ അറിയാതെ ചെയ്യുന്ന ഒരു സംഭവമല്ല ഇത്. ബോധപൂർവ്വമായ മതനിന്ദയുടെയും ഹൈന്ദവ അവഹേളനത്തിന്റെയുംവ്യക്തമായ സൂചനയാണ്. ഈ സംഭവത്തിൽ ശക്തമായി പ്രതിഷേധിക്കാൻ മുഴുവൻ ഹൈന്ദവ സമൂഹത്തോടും കേരള ക്ഷേത്ര സംരക്ഷണ സമിതി ആഹ്വാനം ചെയ്യുന്നു.
